Tmerrohet kryeministrja May: shumica dërrmuese e britanikëve nuk e mbështesin sulmin ajror kundër Assadit

Nga një sondazh i ri, siç raporton Independent, vetëm një e katërta e britanikëve e mbështetën vendimin e Mbretërisë së Bashkuar për t’iu bashkuar sulmeve ajrore kundër regjimit të Bashar al-Assadit që pretendohet se ka përdorur armë kimike kundër civilëve, transmeton Periskopi.

Një hulumtim ekskluziv për gazetën britanike zbulon që shumica dërrmuese e njerëzve në Britani ishin kundër vendimit të kryeministres May për t’iu bashkuar aksionit të udhëhequr nga ShBA-të, e që hodhi mbi 100 raketa në tri vende të qeverisë siriane.

Sondazhi i ri do të jetë i tmerrshëm për kryeministren, që ka kërcënuar madje me sulme të tjera duke u bërë gati të përballet me parlamentarët britanikë për të mbrojturu vendimin e saj.

Moska madje ka kërcënuar me ‘pasoja’, me diplomatët që u grindën edhe në Këshillin e Sigurimit.

Vetëm 28 përqind e mbështetën aksionin, ndërkohë që 36 përqind ishte kundër. Pjesa e mbetur as nuk e kundërshtoi por as nuk e mbështeti vendimin e May-it, përcjell Periskopi.

Edhe lideri i Partisë Laboriste, Jeremy Corbyn, ka qenë shumë i ashpër me kryeministren, duke thënë që po mësohet nga Donald Trump se çka të bëj. /Periskopi