‘Thaçit nuk i takon të zgjedhë se kush do jetë pjesë e grupit të bisedimeve Kosovë-Serbi’

Ajo në një prononcim për Lajmin tha se përbërja e grupit për bisedime duhet të jetë pjesë e diskutimit.

“Krejt bisedimet duhet ta kenë një qasje të re komplet. Përbërja e grupit për bisedime duhet të jetë pjesë e diskutimit, nuk është qasje e vendosjes së Presidentit sepse në fund të fundit Presidenti e ka vendosur veten si pjesë të bisedimeve pa mandat prej Kuvendit përderisa Kuvendi është ai që i zbaton ligjet edhe marrëveshjet edhe i mbikëqyr atëherë nuk i takon Presidentit me bë përbërjen e grupit rreth bisedimeve”, ka thënë ajo.

Sipas saj, duhet të ketë konsensus mes partive politike për këtë.

“Duhet me qenë në rrafsh të diskutimit të partive politike me një qasje edhe në proceset e deritashme dhe vendim që do të merret unanimisht sepse i përket gjithë spektrit politik të Kosovës. Duhet të ketë konsensus dhe nuk i takon pra presidentit të zgjedhë kush do të jetë në këtë grup”, ka shtuar ajo.

Ndryshe dje është mbajtur konferenca ‘Skenarët e Finales së Madhe’ ndërmjet Kosovës dhe Serbisë në të cilën morën pjesë Presidenti Hashim Thaçi, kryeministri Ramush Haradinaj, nënkryetari i LDK-së Lutfi Haziri, lideri i VV-së Albin Kurti, u përmend që të krijohej një grup uniteti në bisedimet me Serbinë.