Thaçi s’jep afate për vizat, Haradinaj po

Presidenti Hashim Thaçi dhe kryeministri Ramush Haradinaj kanë folur për luftën kundër korrupsionit, si një kriter për liberalizimin e vizave.

Në komentet e tyre për këtë çështje, në mbledhjen e Këhsillit Kombëtar Kundër Korrupsion, Thaçi dhe Haradinaj thanë se besojnë se shpejt qytetarët do të mund të lëvizin pa viza.

Thaçi, duke mos përmendur një kohë të caktuar se kur do të mund të liberalizohen vizat, tha vetëm se ka një garancë nga BE se Kosova ka përmbushur 95 kritere për liberalizim të vizave, shkruan Periskopi.

Është konkludim i përbashkët se Kosova ka plotësuar 95 kritere për liberalizim, lufta kundër korrupsionit është betejë permanente që zhvillojnë të gjitha shtetet edhe ato që janë brenda BE’së”, ka thënë Thaçi, në mbledhjen e Këshillit Kombëtar Kundër Korrupsionit, shkruan Periskopi.

Ai tha se lufta kundër korrupsionit vazhdon të mbetet sfidë për Kosovën.

“Ne e dimë se lufta kundër krimit dhe korrupsionti nuk është e lehtë por duhet të ecim përpara. Sfidat që janë nga takimet e këtij Këshilli kanë qenë të ndryshme: bashkëpunimi institucional, funksionimi i mekanizmave të ligjit, ndjekja e krimit të organziuar dhe korrupsionit në veçanti, rritja e numrit të rasteve konkrete të cilat përfundojnë me aktgjykimet”, tha ai.

Ndërkohë, kryeministri Ramush Haradinaj, tha se Kosova do të kthehet në storie suksesi sa i përket luftimit të korrupsionit.

Tha se lajmi i shumëpritur për liberalizim vizash, mund të vie shumë shpejt nga Bashkimi Evropian.

“Jam i bindur se Kosova do të kthehet në storie suksesi në luftën kundër korrupsioni. Besoj se edhe statusi jonë. Liberalizimi i vizave është një cështje më urgjente, të cilën qytetarët e kanë pritë gjatë shpresoj shumë se në ditët në vijim BE do të mundet me dhanë edhe lajmin e shumëpritur për liberalizimin e vizave”, tha Haradinaj./Periskopi/