5 orë më parëThaçi hesht, kur pyetet për emërimin e shefit të AKI-së
Periskopi(8 vite më parë)
(8 vite më parë)Presidenti i Republikës së Kosovës, Hashim Thaçi sot ka drekuar me kryeministrin Ramush Haradinaj dhe me kryeministrin bullgar, Boyko Borissov në një nga restaurantet e Prishtinës. Por, kur ky i fundit ishte larguar nga dreka, në po të njëjtin restaurant është shfaqur edhe ish-kryetari i PDK-së në komunën e Skenderajt, Sami Lushtaku. Kur të gjithë […]
Kur të gjithë po dilnin nga vendi ku po drekonin, gazetari e ka pyetur presidentin Thaçi se kur do të emërojë drejtorin e AKI-së. Mirëpo, ai nuk ka dhënë përgjigje për këtë çështje, përkundrazi si e ka dëgjuar pyetjen, është larguar menjëherë për në veturën e tij.
Ndryshe, kryeministri Haradinaj ka bërë të ditur se është në konsulta vazhdimisht me presidentin Thaçi lidhur me zgjedhjen e shefit të AKI-së.
Por, siç ka thënë Haradinaj, enda nuk ka emra veçse drejtori do të zgjidhet shpejtë dhe brenda afatit ligjor.
Kujtojmë se ishte vet Haradinaj ai që kishte kërkuar që tashmë ish-drejtori i AKI-së, Driton Gashi të lirojë postin për shkak të deportimit të gjashtë shtetasve turq pa dijeninë e krerëve shtetërorë./indeksonline/
