Surroi kërkon pastrim intenziv të klasës politike në vend

“Mjeshtërit e farsës” titullohet shkrimi i fundit i Flaka Surroit që u publikua mëngjesin e sotëm në portalin Koha, përcjell Periskopi.

Farsa është fjala kryesore e këtij shkrimi, e shpërndarë edhe në nëntituj tjerë: farsa e përgjegjësisë, ligjshmërisë, institucionaliste dhe në fund, farsa e shtetit.

Ajo e ka kritikuar fillimisht punën e kuvendit të Kosovës për çështjen e një hetimi parlamentar për arrestimin e gjashtë shtetasve turq. Më pas, ka kritikuar edhe qeverinë Haradinaj për mos-shkarkimin e tre ministrave ndaj të cilëve është ngritur aktakuzë nga Prokuroria. Në pjesën e tretë të shkrimit, ajo e kritikon edhe LDK-në, duke thënë ndër tjera se kjo parti ka përgjegjësi të madhe për dështimet e shumta që i pësoi Kosova.

E në fund, ajo e ka përqeshur vendimin e fundit të qeverisë për ndërtimin e një kompleksi/rezidence presidenciale afër shtëpisë së Behxhet Pacollit. Kliko këtu për të lexuar shkrimin e plotë./Periskopi