Siria tregon se si do të mbrohet nëse merr sulme nga SHBA-ja

Siria do të mbrohet nëse sulmohet nga Shtetet e Bashkuara, Britania dhe Franca, tha sot në seancën e Këshillit të Sigurimit përfaqësuesi i përhershëm i Sirisë në OKB, Bashar al-Jafari.

“Nëse Shtetet e Bashkuara, Britania e Madhe dhe Franca, mendojnë se mund të na sulmojnë dhe ta rrezikojnë sovranitetin tonë, nuk do të kemi zgjidhje tjetër përveçse të arrijmë të neni 51 i Kartës së Kombeve të Bashkuara, që na jep të drejtën për të mbrojtur veten. Është një premtim, nuk do të lejojmë askënd të shkelë sovranitetin tonë”, shtoi Al Jafari.

Rusia e kërkoi këtë mbledhje urgjente për të diskutuar kërcënimin për sulm ushtarak nga SHBA-ja dhe aleatët e saj Franca dhe Britania e Madhe si përgjigje ndaj sulmit të pretenduar me armë kimike në Duma, në Siri fundjavën e kaluar.