‘Shqipëria popull prostitutë’ çmendet mësuesja gjatë orës së letërsisë

Mbrëmë në emisionin ‘Stop’ u transmetua një video ku tregohej realiteti I auditoreve të shkollave në vendin tonë.

Në një shkollë në Lezhë, mësuesja Donika Haxhia, gjatë orës së lëndës së Letërsisë, u thotë nxënësve se shqiptarët janë një popull prostitutë. “Është aq injorant populli shqiptar, sa rri i ndrojtur para ministrit. Në fakt duhet t’ja fusë duart në fyt! Se unë të çova aty ti dhe tani hajde më shërbe. Po me ça do t’ja kërkosh ti, me injorancë? Jo, o vëlla, me injorancë jo”, thotë ajo.

Më pas ajo tregon se nuk i dhimbsen fare prindërit pa të ardhura që i kërkojnë ndihmë në shkollë, sepse sipas tyre ata e shesin veten për 5 mijë leke.

“Është popull prostitutë Shqipëria!”, shton mësuesja e letërsisë në shkollën profesionale “Kolin Gjoka” në Lezhë, duke përmendur faktin që ajo vetë e ka sistemuar jetën e saj dhe të fëmijëve të saj.

“Por çfarë do të bësh ti? Nuk martohet me njeri prostituta, ta keni të qartë”- është shprehur Donika.

Në një rast tjetër një mësuese e quajtur Marjeta shfaqet në video duke goditur fizikisht një nxënëse në një shkollë të Gjirokastrës. Sipas moderatorëve të programit, mësuesja u kishte bërë nxënësvje të saj pyetjen “si mund të ndahen 9 karamele në mënyrë të barabartë”.

Ndërsa mësuesja e biokimisë në gjimnazin “28 Nëntori” në Burrel, Flutura Zeneli u thotë nxënësve se mund të kenë pirë drogë që sillen në atë mënyrë. “Kush të ka mësuar kështu ty atje? Kush t’i ka mësuar? Ça ke pi ndonjë drogë? Mos ke pirë ndonjë drogë? Mos ke pirë se nuk je në rregull”, shprehet ajo.