4 orë më parëSHBA-ja i përgjigjet kërkesave të Turqisë për ekstradimin e Gylenit: Ja kur marrim vendim
Periskopi(8 vite më parë)
(8 vite më parë)Shtetet e Bashkuara të Amerikës do të vendosin për ekstradimin e mundshëm të klerikut islamik Fetullah Gylen, lidhur me akuzat për përfshirjen e tij në vrasjen e ambasadorit rus Andrei Karlov, pas shqyrtimit të tërë dokumentacionit të ofruar nga Ankaraja, duke u bazuar mbi fakte dhe në ligjet e SHBA-së. Kështu ka thënë zëdhënësja e […]
Kështu ka thënë zëdhënësja e Departamentit të Drejtësisë për Sputnik, Nicole Oxman, shkruan Periskopi.
“Do të shqyrtojmë të gjitha materialet që do t’i ofrojë Qeveria e Turqisë lidhur me këtë çështje, dhe pas kësaj do të marrim një vendim për ekstradimin duke u bazuar në fakte dhe në ligjet relevante të SHBA-së”, ka thënë Oxman.
Gjatë të hënës mediat turke kanë raportuar se Ankaraja ka urdhëruar arrestimin e Gylenit bashkë me shtatë anëtarë të lëvizjes së tij, duke iu referuar si Organizata Terroriste e Fetahur (FETO), për vrasjen e Karlovit në vitin 2016.
Gazeta “Yeni Safak” ka shkruar se figurat kryesore të FETO-s, si Serfi Ali Tekalan dhe Emre Uslu Gulen, janë po ashtu mes të kërkuarve për t’u arrestuar.
Më 19 dhjetor 2016, Karlov ishte qëlluar nga një ish-polic turk, i quajtur Mevlut Mer Altintas, gjatë hapjes së një galerie arti në Ankara. Qitësi ishte vrarë në vend nga Policia.
Megjithëse hetimet vazhdojnë ende, pala turke në vazhdimësi ka përsëritur dyshimet e veta se lëvizja e Gylenit qëndron prapa vrasjes së ambasadorit rus. /Periskopi/
