3 orë më parëSerbia nuk i përjashton diplomatët rusë, e konfirmon miqësinë me shtetin rus
Periskopi(8 vite më parë)
(8 vite më parë)Mbretëria e Bashkuar kishte kërkuar nga Serbia që të tregonte solidaritet me fqinjët e saj evropianë dhe të largonte një diplomat rus nga vendi për rastin Skripal, por kombi ballkanik nuk pranoi të vepronte. Ministri i Jashtëm i Serbisë, Ivica Daçiq ka folur për “Pink TV” se Britania i ka kërkuar Serbisë largimin e një […]
Ministri i Jashtëm i Serbisë, Ivica Daçiq ka folur për “Pink TV” se Britania i ka kërkuar Serbisë largimin e një diplomati rus si pjesë e sanksioneve ndaj Moskës mbi helmimin e ish-spiunit rus Sergei Skripal dhe vajzës së tij Yulia, raporton “Sputnik International”, transmeton Periskopi.
“Serbia nuk do të largoj diplomatët rusë; ne kemi marrëdhënie të mira me Rusinë. Është e vërtetë se Britania na ka kërkuar që të merrnim një qëndrim ndaj Rusisë dhe të dëbonim një diplomat rus përderisa ndodhnin ngjrjet në Kosovë javën e kaluar. Kjo është gjithçka për ata që janë interesuar. Ata nuk kujdesen për gjëra të tjera. Ne, duhet të kujdesemi për interesat tona, t’i mendojmë ato dhe është e sigurtë se Serbia nuk do të përjashtojë diplomatë rusë,” theksoi Daçiq.
Ministri i Jashtëm theksoi faktin se Londra po ndjekte interesat e veta ndërsa forcat kosovare të sigurisë kishin sulmuar ndërtesën në qendër të Mitrovicës dhe ndërprenë një takim për normalizimin e marrëdhënieve mes Serbisë dhe Kosovës.
Policia e Kosovës ka arrestuar kreun e Zyrës serbe për Kosovë, Marko Gjuriq, dhe më vonë e ka deportuar atë në Serbi./Periskopi/
