Rrëfehet nëna siriane pas sulmeve: Trump i sëmurë mendërisht, nuk frikësohemi

Amira Jaber, një nënë 46-vjeçare nga provinca Homs në Siri, ka rrëfyer për The Guardian, natën e mbrëmshme ku vendi ku ajo banon ka qenë cak i sulmeve ajrore nga SHBA-të, Britania e Madhe dhe Franca.

Ajo ka thënë se në Siri kishin përcjell deklarimet publike të presidentit të SHBA-ve, Donald Trump, presidentit të Sirisë, Bashar Al-Assadi si dhe liderëve të tjerë botëror.

Jaber tregon se ajo së bashku me familjen e saj dhe banorët e tjerë në Homas ishin duke fjetur të qetë, kur zhurma dhe tinguj të ndryshëm ishin shkaktuar nga shpërthimet.

“Ishim duke fjetur të qetë në mesnatë dhe pastaj ishim të befasuar nga tingujt e tmerrshëm të shpërthimeve. Qëllimi ishte qendra e kërkimit në Homs. Ishte diçka shumë e tmerrshme sidomos për fëmijët”, rrëfen ajo.

46-vjeçarja e quan presidentin e SHBA-ve të sëmurë mendërisht teksa shprehet e bindur se vendi i saj do të triumfojë, përderisa president ta kenë, Bashar Al-Assadin.

Ajo tregon se kishte dy djem, ku njëri iu vra teksa po luftonte në Siri, ndërsa tjetri vazhdon të punojë si polic.

“Trump është sëmurë mendërisht dhe ai nuk do të na frikësojë me raketat e tij. Unë kam dy djem, një prej tyre u vra ndërkohë që po luftonte me ushtrinë siriane për të çliruar Sirinë nga kriminelët dhe terroristët. Djali im tjetër është një polic, ai është ende duke bërë punën e tij për të shërbyer vendin e tij. Ne do të fitojmë për sa kohë që presidenti ynë është Bashar Al-Assad”.

“Kam humbur djalin dhe unë jam r gatshme të vdes për Sirinë dhe presidentin Bashar. Trump është një lypës dhe ai dëshiron të marrë më shumë para nga Gjiri për të sulmuar Sirinë”, ka thënë nëna, 46-vjeçare.

Ajo thotë se nuk brengoset për situatën në Siri, teksa thotë se banorët e Sirisë duhet të festojnë dhe jo të brengosën, shkruan Insajderi.

“Ai mund të bëjë gjithçka që ai dëshiron të bëjë. Në fakt, ne do të festojmë dhe jo të brengosemi. Trump po përpiqet të mbulojë dështimin e tij në provimin se ushtria siriane përdorte armë kimike kundër Doumës. Të gjitha këto akuza u përdorën si pretekst për të nisur këtë agresion kriminal ndaj Sirisë”, ka deklaruar ajo për gazetarin e The Guardian, Mona Mahmood, që gjendet atje.