Reagon Policia e Kosovës, tregon se çfarë veturash do të vozisë

Policia e Kosovës ka reaguar pas disa shkrimeve në media ku thuhej se ky shumë shpejt Policia do të pajiset me vetura të reja. Policia e Kosovës e ka mohuar këtë lajm duke thënë se aktualisht ka kontratë me automjetet e tipit Shkoda.

“Policia e Kosovës me qëllim të informimit të drejtë të opinionit publik, publikon këtë informacion sqarues në shenjë reagimi ndaj disa portaleve te cilat sonte kanë publikuar shkrimin me titull “E paparë , ja çfarë makinash do vozisin Policia e Kosovës së shpejti”

Informojmë opinionin e gjerë dhe mediat se një shkrim i tillë nuk është publikuar nga asnjë adresë zyrtare e Policisë së Kosovës dhe as nga Facebooku zyrtar i PK-së dhe si i till nuk qëndron.

Policia e Kosovës momentalisht ka kontratë për automjete te tipit Shkoda, e lidhur përmes procedures së prokurimit të realizuar nga Agjencia Qendrore e Prokurimit. Duke pas parasysh se kjo kontrat skadon këtë vit, Agjencia Qendrore e Prokurimit edhe këtë vit do të realizoj një procedurë të prokurimit për blerje të automjeteve për nevojat e Policisë së Kosovës.

Prandaj, ju informojmë se pohimet dhe shkrimet e tilla jo zyrtare dhe të pa konfirmuara, se kinse Policia do të furnizohet me vetura të tipit Audi Q7 nuk qëndrojnë dhe janë të paverteta.

Policia e Kosovës inkurajonë mediat, në veçanti ato elektronike që lajme të tilla që ndërlidhen me fushëveprimtarinë apo kapacitetet e PK-së, qështjet që kanë nevojë për sqarime apo përgjigje adekuate, së pari të adresojnë tek zyrtarët kompetent për informim dhe të mos bien pre e dezinformatave apo publikimeve jozyrtare nga adresa të paverifikuara mirë.

Policia vazhdon të mbetet e përkushtuar në informimin e drejt të opinionit publik si dhe në realizimin e të gjitha detyrave dhe obligimeve konform autorizimeve të parapara me ligj” thuhet në reagim.