3 orë më parëReagimi i radhës nga SHBA: Nëse ndërhyjmë ushtarakisht, frikësohemi se situata do dalë jashtë kontrollit
Periskopi(8 vite më parë)
(8 vite më parë)Sekretari amerikan i Mbrojtjes, James Mattis ka thënë se Uashingtoni ende është duke kërkuar dëshmi se kush janë përgjegjësit për sulmin kimik që ndodhi të shtunën në Siri. Mattis thotë se shqetësimi i tyre kryesor lidhur me ndërhyrjet ushtarake është se si do të parandalohet që situata të mos dalë jashtë kontrollit – transmeton Periskopi. […]
Në anën tjetër, presidenti francez, Emanuel Macron gjatë ditës së sotme tha se kanë dëshmi që Qeveria e Bashar Al-Assad është përgjegjëse për sulmin, ku vdiqën mbi 50 njerëz e mbetën të lënduar qindra të tjerë.
Mediet ndërkombëtare citojnë burime zyrtare nga SHBA, të cilat ka bërë të ditur se mostrat e gjakut dhe urinës që u janë marrë të vrarëve në sulmin e së shtunës, tregojnë gjurmë të klorit dhe substancave të tjera kimike, të cilat pritet t’i prezantohen presidentit amerikan Donald Trump.
Ky ton i kujdesshëm i Mattisit bëri jehonë pas një publikimi në Twitter të presidentit Trump, i cili shkroi se paralajmërimet e tij për sulme me raketa në Siri duhet të shkojnë përpara.
Gjatë ditës së djeshme presidenti amerikan paralajmëroi Rusinë që të përgatit për sulmet me raketa në Siri.
Ndërsa gjatë ditës së sotme, ai tha se kurrë nuk ka treguar se kur do të ndodhin sulmet në Siri. Madje, ai bëri mesazhe të paqarta, në të cilat shkruante se ndoshta sulmet do të ndodhin së shpejti, ose jo./Periskopi
