7 orë më parëProfili i ambasadorit të Kosovës në Çeki
Periskopi(8 vite më parë)
(8 vite më parë)Ish-gazetari Arbër Vllahiu ka mbërritur sot në Pragë pasi ka marrë pozitën e të Ngarkuarit me Punë në Ambasadën e Kosovës. Por, cili është profili i Vllahiut? 51 vjeçari i lindur në Prishtinë me prejardhje familjare nga Lipjani, Arbër Vllahiu, ka marrë pozitën më të lartë të përfaqësimit diplomatik të Kosovës në shtetin çek. Ish-redaktori […]
Ish-gazetari Arbër Vllahiu ka mbërritur sot në Pragë pasi ka marrë pozitën e të Ngarkuarit me Punë në Ambasadën e Kosovës. Por, cili është profili i Vllahiut?
51 vjeçari i lindur në Prishtinë me prejardhje familjare nga Lipjani, Arbër Vllahiu, ka marrë pozitën më të lartë të përfaqësimit diplomatik të Kosovës në shtetin çek.
Ish-redaktori i Kohës Ditore, ish-gazetar i BBC’së për 11 vjet, tri vjet në Londër, 7 vjet gazetar i TV Suedia prej po kalon tash nga politika në diplomaci.
Vllahiu, në shtatë vitet e fundit, ka ushtruar pozita të Këshilltarit politik të Presidentit e Kryeministrit. Për një kohë ka qenë Këshilltari Kryesor në Presidencë derisa pastaj për një kohë udhëheqës i Radios Evropa e Lirë për Kosovën.
Pak para zgjedhjeve nacionale, Vllahiu hyri në Partinë e Ramush Haradinajt, në pozitën e Këshilltarit të Kryeministrit. Kandidoi edhe për Kryetar të Prishtinës.
Vllahiu për një kohë ka qenë profesor i gazetarisë në Universitetin e Prishtinës dhe në disa kolegje private. Është magjistër i shkencave të komunikimit.
Përplasjet më të mëdha publike, Vllahiu i ka pasur me Shpend Ahmetin, në garën për Kryetar të Prishtinës.
Por, edhe pse ishte kandidat i AAK’së në këtë garë, vota nuk mori shumë pasi partia e tij s’ka arritur të ketë elektorat në Kryeqytet.
Vllahiu ka qenë gazetari i parë që ka arritur të shkojë në Familjen Jashari, në kohën kur policia dhe ushtria serbe….
Sa ka qenë në Presidencë, Vllahiu ka negociuar takimet e përbashkëta të partive politike.
Është në mesin e gazetarëve të parë që ka hyrë në Kosovë në përfundim të fushatës ajrore të NATO’s dhe ka raportuar gjatë gjithë kohës nga të gjitha zonat e luftës.
Gjithashtu, ka përcjellë gjithë procesin e bisedimeve të Vjenës për statusin e Kosovës, që janë udhëhequr nga ish-Presidenti finlandez, Martti Ahtisaari. Gjatë kohës kur ka kryer detyrën e Shefit të Stafit në Zyrën e Presidentes, ka qenë pjesëmarrës në një numër konferencash ndërkombëtare që kanë trajtuar temën e raporteve ndërmjet Kosovës dhe Serbisë dhe çështje të serbëve të Kosovës. Bashkëpunëtorët e tij kanë thënë se është i ashpër në punë dhe i rregullt. Dikur është cilësuar edhe si njeriu që ka urdhëruar Presidenten, duke drejtuar marrëdhëniet me publikun.
