4 orë më parëPërplasja Konjufca-Zemaj: S’di qysh ta kanë qitë kaluese në juridik me këtë logjikë
Periskopi(8 vite më parë)
(8 vite më parë)LDK-ja vazhdon të ankohet për rrëzimin e Qeverisë Mustafa, në kohën kur flitet edhe për mundësi të rënies së Qeverisë Haradinaj. Pikërisht kjo gjë përplasi sot shefin e Grupit Parlamentar të Vetëvendosjes dhe deputetin e LDK-së Armend Zemaj. Zemaj, nga foltorja e Kuvendit të Kosovës në seancën e jashtëzakonshme për të deportuarit turq, tha se […]
Zemaj, nga foltorja e Kuvendit të Kosovës në seancën e jashtëzakonshme për të deportuarit turq, tha se rënia e qeverisë Mustafa ishte grushshtet, ku kishte marrë pjesë edhe Vetëvendosje.
Pas kësaj, reagoi Konjufca, duke vlerësuar deklaratat Zemajt si naive dhe qesharake, shkruan Periskopi.
Konjufca tha se është i habitur se si Zemaj ka marrë kaluese në Juridik, kur e konsideron grushtshtet rënien e Qeverisë në parlament, në mënyrë ligjore.
“Se di qysh ata mësuesit e vet ia kanë qit kaluese në Juridik .Me i thanë grushtshtet rënies së Qeverisë në Parlament, me vota, është skandaloze”, tha Konjufca.
Konjufca kritikoi LDK-në edhe për kundërshtimet që sot ia bëjnë Hashim Thaçit, duke thënë se ishte pikërisht kjo parti ajo e cila e kishte votuar zgjedhjen e tij në postin më të lartë shtetëror.
“S’keni çka ankoheni kur ia keni dhënë votën Hashim Thaçit”, tha Konjufca. /Periskopi/
