“Për të jetuar dhe studiuar në Afrikën Qendrore është një lloj torture”

Ngai Pacome, i veshur me një këmishë ngjyrë vjollce me një çantë të vendosur pas shpinës, mban një buzëqeshje në fytyrë, madje duke përshkruar gjendjen e vendit të tij.

“Në disa pjesë të vendit, situata është e mërzitshme dhe e mjerueshme,” tha 23-vjeçari, student i masterit në Universitetin e Banguit të Republikës Qendrore të Afrikës.

“Nuk ka thjesht veprimtari ekonomike si pasojë e dhunës. Kjo më bën shumë anksioz, dhe gjithë studentët brengosen për të ardhmen e tyre,” tha ai për “Al Jazeera”, transmeton Periskopi.

Nuk është e vështirë të kuptohet pse ndodh një gjë e tillë. Republika Qendrore e Afrikës për disa vite është e mbyllur në një anarki, madje që prej kohës kur rebelët e armatosur të njohur si Seleka kanë shkarkuar Presidentin Francois Bozize në marsin e vitit 2013. Gjakmarrja ka shkaktuar dhunë, përfshirë sulme reprezale, spastrimin etnik dhe zhvendosjet masive.

Zgjedhjet e vitit 2016 ishin një ngushëllim për dhunën e shkaktuar që prej viti 2013. Qeveria e re e Republikës Qendrore të Afrikës nuk mund të shtrijë pushtetin më larg se kryeqyteti i Banguit. Grupet e milicisë drejtojnë 80% të vendit, duke grumbulluar taksat dhe duke udhëhequr nga një administratë paralele.

Një prej shkaktarëve më të mëdha të konflikteve është arsimimi, raporton “Al Jazeera”, transmeton Periskopi.

Të paktën 75% e popullatës janë nën moshën 35. Të rinjtë e papunësuar vlerësohet të jenë 12, 5% duke bërë që mijëra të rinj t’i bashkohen vullnetarisht grupeve të armatosura që operojnë në të gjithë vendin.

Edhe për pakicat e vogla të të rinjve të Afrikës Qendrore, të cilët janë me fat që ndjekin universitetet, lufta e përhershme, kriza e vazhdueshme, mungesa e mësuesve, bën që shpesh ligjeratat të shtyhen ose të anulohen.

“Unë dua të përfundoj studimet mastër në juridik, por ne nuk kemi mësues mjaftueshëm të kualifikuar për këtë nivel,” tha 28-vjeçari, Fiacre Bebenissingo. “Kështu më duhet të pres.”

“Studimi këtu është i llojit të torturës,” thotë 18-vjeçarja, Benicia Toina.

“Kushtet e vështira po i shtyjnë të rinjtë të përpiqen të largohen,” shton ajo./Periskopi/