Paralajmërimi për të ardhmen e shkollave gyleniste pas dëbimit të 6 turqve

Ulus, në një intervistë për Periskopin, ka thënë se institucionet gyleniste arsimore merren me edukim në Kosovë që nga viti 2000, duke shtuar se i gjithë stafi i tij, i përbërë nga 250 mësues është mbi standardet e arsimit në Kosovë.

“Në Kosovë ne merremi me edukim që nga vitit 2000. Bëhen 18 vite që punojmë këtu me stafin tonë. Në 5 degë, në 5 shkolla të ndryshme, tani ne kemi 250 mësues dhe 1700 nxënës. Dhe i gjithë stafi ynë, të gjithë mësuesit disa prej të cilëve janë nga Turqia, disa nga SHBA-ja, shumica janë kosovarë. Mund të them se të gjithë 250 profesorët janë elitarë, më të ngriturit. Stafi ynë është mbi standardet e Kosovës”, tha Ulus për Periskopin.

Përkundër se humbi 6 persona nga stafi i tij, Ulus thotë se puna e institucioneve arsimore turke në Kosovë do të vazhdojë me një intensifikim të shtuar.

“Fatkeqësisht ne humbën 6 nga stafi ynë dhe kur i krahason 6 me 250 mësuesit, ky nuk është numër edhe aq i madh. Besoj dhe vërtetë dua t’u them studentëve dhe komunitetit shqiptar këtu se ne do ta vazhdojmë atë që bënim përpara kësaj ngjarjeje, siç është ngjarja e së mërkurës. Ne do ta japim edukimin më të mirë në këtë vend dhe nga tash do ta intensifikojmë edhe më shumë dhe të japim edukim edhe më të mirë se standardet kosovare”, tha ai. /Periskopi/