2 orë më parëNis ndërtimi i centralit bërthamor në Turqi, pagëzohet nga Putin dhe Erdogan
Periskopi(8 vite më parë)
(8 vite më parë)Turqia dhe Rusia ka nisur ndërtimin e impiantit të parë nuklear në provincën jugore të Mersinit në Turqi gjatë një cermonie në kryeqytetin e Ankarasë që u mbajt më 3 prill. Presidenti i Turqisë Recep Tayyip Erdogan dhe homologu i tij rus, Vladimir Putin së bashku vendosën bazën për uzinën në bregdetin e Mesdheut nëpërmjet […]
Presidenti i Turqisë Recep Tayyip Erdogan dhe homologu i tij rus, Vladimir Putin së bashku vendosën bazën për uzinën në bregdetin e Mesdheut nëpërmjet një telekonference të mbajtur në kompleksin presidencial.
“Planti bërthamor Akkuyu do të jetë i 56 sa i ka gjithsej bota. Kur reaktori i parë i Akkuyu do të fillon operimin në vitin 2023, Turqia do t’i bashkohet familjeve për prodhimin e energjisë nukleare,” tha Erdogan.
“Distanca që kemi mbuluar në marrëdhëniet tona me Rusinë në 15 vitet e fundit janë shumë të rëndësishme,” shtoi ai, duke iu referuar një marrëveshje që Ankaraja do t’i paguaj Rusisë për blerjen e sistemeve raketore S-400 dhe projektit të gazit natyral Turkstream, raporton “Hurriyet”, transmeton Periskopi.
“Ne nuk po fillojmë vetëm ndërtimin e centralit të parë bërthamor të Turqisë, ne po e themelojmë sektorin bërthamor të Turqisë,” tha Putin në ceremoninë hapëse.
“Qëllimi ynë është të prodhojmë energji në vitin 2023. Kjo do të ndodhë në 100 vjetorin e Republikës së Turqisë. Kur të gjitha njësitë janë në veprim, centrali bërthamor do të furnizojë 10 përqind të kërkesës së Turqisë për energji elektrike,” shtoi ai.
Autoriteti i energjisë atomike të Turqisë, TAEK, më 2 prill i dha ndërtuesit rus Rosatom një licencë ndërtimi për të filluar punën në njësinë e parë të uzinës së energjisë bërthamore Akkuyu, njoftoi agjensia shtetërore Anadolu.
Impianti nuklear Akkuyu do të ndërtohet nga kompania ruse Rosatom në bregdetin mesdhatar për një çmim 20 miliard dollarë./Periskopi/
