“Ndryshimet klimatike na bën më të fortë” – gratë boliviane i përshtaten ngrohjes globale

Në luginën Cochabamba të Bolivisë gjendet fshati i Tiraques. Një prej qindra fermerëve të komunitetit e kanë bërë pjellore këtë vend. Në këtë tokë, shumë familje kanë jetuar për gjenerata. Ata tradicionalisht kanë kultivuar pataten, por me ndryshimet klimatike, detyrohen t’i adoptohen kushteve përtej mundësive, veçanërisht kjo vlen për gratë.

Pasojat e ndryshimeve klimatike nuk janë të barabarta për të gjithë – të varfrit më së shumti goditen sesa të pasurit, raporton “DW”, transmeton Periskopi.

Teresa Hosse është përfaqësuesja e Platformës Boliviane kundër Ndryshimit së Klimës. Ajo thotë se përbërja unike e vendit malor (Altiplano), luginat tjera dhe Amazona janë nga më të prekurat nga pasojat e ngrohjes globale.

Juanita Terrazas që tashmë është 23-vjeçare, kujton kohën kur ishte “shumë ftohtë që vetëm patatja rritej.” Duke pastruar terrenin nga plastika, tashmë në këtë tokë ka filluar të rriten edhe lakrat.

Megjithëse, ato nuk i kuptojnë saktësisht detajet që sjell ngrohja globale, gratë në Tiraque janë të vetëdijshme për ndryshimet klimatike.

Ato thonë se mesatarja e temperaturës është rritur, me stinën e shirave që janë shkurtuar nga katër në dy muaj.

Instituti Bolivian për Fuqizimin e Bashkësive Bujqësore (INCCA) po i mëson komunitetet të përdorin plehra ekologjike për të ndihmuar në luftën kundër ndryshimeve klimatike dhe për të siguruar një prodhim të mirë.

Sipas presidentit të Bolivisë Evo Morales, janë ndërmarrë disa hapa për barazi gjinore më të madhe, duke përfshirë kalimin e një ligji të vitit 2005 që kërkon të paktën 50 përqind përfaqësimin e femrave në qeverinë lokale./Periskopi/