Nato thotë që Thaçi nuk ka pasur aprovimin e KFOR-it për Gjuriqin | Rusia thotë që do të jetë me Serbinë, nëse ajo hyn në Kosovë

Burimet e NATO-s besojnë që zyrtari serb Marko Gjuriq ka dështuar të jetë në përshtatje me rregullat kur hyri në Kosovë më 26 mars dhe më pas u arrestua.

Siç u tha, presidenti kosovar Hashim Thaçi e kishte dërguar atje policinë pa lejen e KFOR-it, shkruan Periskopi.

Agjencia e lajmeve Beta, ka thënë se krerët e NATO-s në Bruksel kanë deklaruar që “Gjuriqi nuk e ka plotësuar procedurën e nevojshme sepse e ka dorëzuar kërkesën te autoritetet e Prishtinës pas orës 17, të premten, në kohën kur zyret nuk punojnë dhe kësisoj vizita e tij ishte ilegale, që për shqiptarët e Kosovës do të thoshte se procesi nuk ishte respektuar.”

“Intervenimi i dytë i policisë së Kosovës në veri, ka të bëj me faktin që sa herë të shkojnë në anën veriore të lumit Ibër, ata duhet të informojnë KFOR-in dhe të kërkojnë leje – gjë që është pjesë e marrëveshjes me Bashkimin Evropian.”

“Por, presidenti Thaçi nuk e ka respektuar këtë marrëveshje,” – shkruan Agjencia Beta.

Ka një shtim të retorikës ruse me rastin e Gjuriqit, që nëse Serbia hyn në Kosovë, ne do të jemi me të, transmeton Periskopi.

Federica Mogherini ka kërkuar që palët të mos bëjnë veprime të tilla – një mesazh ky për të dyja palët. Burimet në Bruksel kanë nënvizuar se dialogu mes Prishtinës dhe Beogradit është thelbësisht i rëndësishëm për ta. /Periskopi