2 orë më parëMinistrja Reshitaj paralajmëron edhe një autostradë të re për vitin e ardhshëm
Periskopi(8 vite më parë)
(8 vite më parë)Ministrja e Mjedisit dhe Planifikimit Hapësinor, Albena Reshitaj, mori pjesë në ceremoninë e nisjes të ndërtimit të autostradës Prishtinë – Gjilan – Dheu i Bardhë. “Sot në 19 vjetorin e Epopesë së Zhegocit, simbolit të krenarisë, sakrificës sublime, për liri e pavarësi, po jetësojmë një vepër madhështore që do t’i shërbejë qytetarëve dhe zhvillimit ekonomik […]
“Sot në 19 vjetorin e Epopesë së Zhegocit, simbolit të krenarisë, sakrificës sublime, për liri e pavarësi, po jetësojmë një vepër madhështore që do t’i shërbejë qytetarëve dhe zhvillimit ekonomik të vendit”, deklaroi Reshitaj.
Simbolika e kësaj date dhe e këtij vendi, sipas saj, e bën edhe më të veçantë këtë ceremoni.
“Ministria e Mjedisit dhe Planifikimit Hapësinor po luan një rol të rëndësishëm ne procesin e ndërtimit të rrugëve dhe autostradave në Kosovë, duke evituar prolongimet që kishin ndodhur në të kaluarën në procesin e shpronësimit të pronave”, deklaroi ministrja Reshitaj.
Reshitaj në emër të kryeministrit Haradinaj dhe zv/kryeministrit njëherësh ministër i Punëve të Jashtme Behgjet Pacolli, dhe në emër të vetin siguroi qytetarët se vitin e ardhshëm do të fillojë edhe ndërtimin e autostradës Badofc-Slivovë-Kamenicë, me të cilën edhe Gollaku do të këtë autorrugën e saj me të cilën qytetarët do të intensifikojnë lidhjet e tyre familjare, shoqërore e ekonomike.
“Duke ndërtuar rrugë, ne ndërtojmë të ardhmen tonë evropiane”, potencoi ministrja.
Reshitaj bëri edhe homazhe para lapidarit të dëshmorëve të UÇK-së të rënë në Betejën e Zhegovcit.
