3 orë më parëMinistrat që zëvendësohen duhet të prezantohen së pari në Kuvend
Periskopi(8 vite më parë)
(8 vite më parë)Sa herë formohet Qeveria e re, kryeministri prezanton kabinetin e tij para Kuvendit të Kosovës, për të marrë miratimin e tij. Por, pastaj kur shkarkohet ose jep dorëheqje ndonjë anëtar i kabinetit qeveritar, ministri i ri emërohet vetëm nga kryeministri, duke u anashkaluar Kuvendi, raporton KTV. Nga Instituti Demokratik i Kosovës thonë se kjo […]
Sa herë formohet Qeveria e re, kryeministri prezanton kabinetin e tij para Kuvendit të Kosovës, për të marrë miratimin e tij.
Por, pastaj kur shkarkohet ose jep dorëheqje ndonjë anëtar i kabinetit qeveritar, ministri i ri emërohet vetëm nga kryeministri, duke u anashkaluar Kuvendi, raporton KTV.
Nga Instituti Demokratik i Kosovës thonë se kjo praktikë e deritashme duhet të ndryshojë.
Albert Krasniqi mendon se Kuvendi do të duhej t’i zgjidhte edhe anëtarët e Qeverisë secilën herë që zëvendësohen, e jo vetëm herën e parë pas zgjedhjeve.
Sipas tij, praktika aktuale siç është po e zbeh edhe më shumë rolin e Kuvendit dhe ministra nuk po e përfillin as të raportojnë para deputetëve.
Nga Qeveria e Kosovës kanë deklaruar se mënyra e emërimit të kabinetit qeveritar mund të jetë pjesë e reformave zgjedhore dhe do të duhej dakordim i partive politike.
Zëdhënësja Donjeta Gashi ka thënë për KTV-në se derisa nuk bëhet kështu, Qeveria i respekton procedurat ekzistuese, siç ka vepruar edhe Kryeministri Ramush Haradinaj.
Haradinaj ka emëruar të premten Bejtush Gashin, ministër të Punëve të Brendshme, pas dorëheqjes së Flamur Sefajt.
