Kurti thotë që Serbia i ka borxh të madh Kosovës – dhe e quan të panormalizuar BE-në

Duke folur në konferencën “Skenarët e ‘Finales së Madhe” mes Kosovës dhe Serbisë”, të organizuar nga Instituti Ridea dhe Balkans Policy Research Group – kryetari i Lëvizjes Vetëvendosje është marrë edhe me termin e ‘normalizimit’ të marrëdhënieve mes dy vendeve.

Në procesin e nisur gati shtatë vjet më parë, u tha se Kosova dhe Serbia do të duhej që përmes këtij dialogu të ri do të normalizonin marrëdhëniet e tyre.

Albin Kurti mendon se as Brukseli nuk është i normalizuar, duke qenë se edhe Brukseli nuk e ka të qartë se cili është realiteti i ri në Kosovë – marrë parasysh faktin se 5 vende anëtare të saj ende nuk e kanë njohur Kosovën, shkruan Periskopi.

Ai ka propozuar që termi ‘normalizim’ të zëvendësohet me temrin ‘fqinjësi’ për dialogun me Serbinë. Ai ka propozuar poashtu dy dialogje të tjera që do të duhej t’i bënte Kosova: një dialog të brendshëm për t’u marrë vesh se çfarë kërkojnë nga Serbia, dhe një me BE-në, për të marrë vesh se çka kërkon BE-ja nga dialogu mes nesh dhe Serbisë. /Periskopi