3 orë më parëKrasniqi: Po më dhimbsen 6 qytetarët turq, shteti jonë udhëhiqet nga axhamitë
Periskopi(8 vite më parë)
(8 vite më parë)Kryetari i Këshillit Kombëtar të NISMA-s Soacialdemokrate, Jakup Krasniqi, ka reaguar lidhur me rastin e depërtimit të 6 shtetasve turq nga Kosova për në Turqi, duke thënë se ata janë dëbuar në mënyrë të paligjshme. Sipas Krasniqit ky dëbim i tyre është bërë për pazare të pista. Ai ka thënë se kjo ndodhi është një […]
Kryetari i Këshillit Kombëtar të NISMA-s Soacialdemokrate, Jakup Krasniqi, ka reaguar lidhur me rastin e depërtimit të 6 shtetasve turq nga Kosova për në Turqi, duke thënë se ata janë dëbuar në mënyrë të paligjshme.
Sipas Krasniqit ky dëbim i tyre është bërë për pazare të pista.
Ai ka thënë se kjo ndodhi është një turp për Kosovën, dhe se vetëm njerëzit e pafytyrë nuk do të skuqeshin pas një rasti të tillë.
Reagimi i plotë:
Duke dëgjuar broçkulla, thash:
Njerëzit me dhimbsen shumë. Me dhimbsen edhe gjashtë turqit e dëbuar paligjësisht. Me dhimbsen edhe pse ishin punëtorë të arsimit. Por më shumë po me dhimbset shteti im, kushtetuta dhe ligjet e shtetit tim të nëpërkëmbura për pazare të pista. Te shtetit që në themelet e tija janë flijimet e brezave dhe flijimet biblike të gjeneratës sime. Me dhimbset aspirata e brezave për liri, çlirim, për pavarësi e sovranitet, për shtet demokratik.
Ne, që luftuam diktatura, është turp që të shërbejmë te gjithëpushtetshmin me paligjësi!
I frikësohem asaj që thotë populli: “Mos bënë çka s’ka bërë kush se të gjënë ajo çka se ka gjet askënd!”
Me gjashtë qytetarët turq, institucionet e shtetit tonë e bënë atë që se ka bërë askush ose e ka bërë pak kush, rrezikohemi t’na gjënë ajo që nuk e ka gjetur askënd në kontinentin e vjetër sot.
Pse ndodhi kjo?
Sepse kombi e shteti udhëhiqen nga axhamitë. Kur shteti udhëhiqet nga axhamitë, mirë nuk mund të ndjehet askush!
Ne situata të ngjashme, të pa skuqur janë vetëm njerëzit e pafytyrë!
Mua s’po me dhimbsen 6 qytetarët turq, se ata një jetë e një vdekje kanë për të bërë në ketë botë. Po me dhimbset e ardhmja e Kosovës dhe fati i popullit tim në t’vetin rrugëtim. Po, po frikësohem dhe frikësohem shumë, nga ringjallja e shpirtrave të vasalizmit, që në shekuj na lan në robëri, na copëtuan si është më zi, e në fund na lan pa shtet e pa demokraci!
Po, me dhimbset fakti pse po na mungon reagimi qytetar kur tjetrit i bëhet padrejtësi! Frikësohem nga mungesa e pa ndjesisë njerëzore në vendin tim!
