Këshilltari i Gadafit: Ja si ia financuam Sarkozyt fushatën, pse të mos ishte shoku ynë president i Francës

Moftah Mssouri, një ish përkthyes dhe njeri i besueshëm i Gaddafit ka rrëfyer momentin kur ish udhëheqësi libian e kishte ndihmuar me 20 milion euro fushatën presidenciale të Sarkozyt. Sarkozi njoftohet se e kishte njoftuar fillimisht Gaddafin për ambiciet e tij për të hyrë në pallatin Elysee gjatë një vizite që kishte në Libi në vitin 2005, ku koloneli e kishte mirëpritur lajmin e tij, thotë Missouri.

“Në fund të vizitës së tij, ai e takoi liderin dhe revolucionarin libian (Gaddafi)… takimi ka zgjatur rreth 45 minuta”, tha ish këshilltari i Gaddafit.

“Do të ishte mirë nëse një mik i Libisë dhe një mik i tij [Gadafi] të bëhet president i Francës,” shtoi Missouri.

Më vonë lideri libian i kishte premtuar atij “të gjitha llojet e mbështetjes dhe asistencës” për politikanin francez, pak para se ai të deklarohej për kandidaturën për president të Francës. Zyrtarët e kampanjës së tij janë takuar me homlogët libianë, dhe nga të dya anët është bërë një dokument ku pas qëndronte Bashir Saleh – një negociator i cili kërkonte 50 milion euro si donacion për të mbështetur ofertën e Sarkozyt, raporton “RT”, transmeton Periskopi.

“Ky dokument i ishte dërguar Ministrit të Jashtëm Moussa Koussa, dhe më pas ishte njoftuar zyra e liderit libian”, tha Missouri. Gaddafi e kishte shikuar dokumentin dhe urdhëroi që oferta të reduktohej në 20 milion euro, shtoi ai.

Derisa Missouri nuk ka dëshmi për transferimin e parave, ai tha se Gaddafi ia kishte kumtuar këtë lajm gjatë një bisede që kishte me të. “Ai më tha dikur: Unë i dhashë 20 milion.”

“Nuk më kujtohet ndonjë gjë kur ka ndodhur transferimi apo në cilat banka janë transferuar paratë,” zbulon Missouri./Periskopi/