8 orë më parëKE përmend deportimin e shtetasve turq – Këto janë disa nga të gjeturat për Kosovën
Periskopi(8 vite më parë)
(8 vite më parë)Shefja e Zyrës së Bashkimit Evropian në Kosovë, Nataliya Apostolova ka prezantuar disa nga të gjeturat kryesore të raportit të Progresit për Kosovën – shkruan Periskopi. Ajo ka bërë edhe një përmbledhje lidhur me rekomandimet që i ka bërë Komisioni Kosovës për vitin 2018. Apostolova ka përmendur ratifikimin e Demarkacionit si hap të rëndësishëm drejt […]
Ajo ka bërë edhe një përmbledhje lidhur me rekomandimet që i ka bërë Komisioni Kosovës për vitin 2018.
Apostolova ka përmendur ratifikimin e Demarkacionit si hap të rëndësishëm drejt liberalizimit të vizave.
Sipas saj, disa nga problemet e evidentuara në raportin e vitit 2016, janë përsëritur edhe në këtë raport, andaj ka kërkuar që të rishikohen rekomandimet dhe të fillojnë përmirësimet menjëherë.
“Raporti ka një vlerësim më të gjerë më afatgjatë për shikuar një luftë krimit dhe kundër korrupsionit. Edhe shumë gjëra duhet realizuar për t’u përafruar me BE-në. Ka pasur përmirësime në legjislacion, p.sh ligji për parandalimin e konfliktit të interesit”, ka thënë ajo.
Shefja e BE’së ka përmendur edhe deportimin e shtetasve turq nga Kosova në Turqi, gjë thotë se ka ngritur shqetësime serioze në Bruksel.
“Sa i përket reformës, raporti vë re një përparim që është bërë falë punës së vazhdueshme. Është bërë punë e mirë për të krijuar një pako legjislative. Kemi vënë re disa shqetësime me emërime e shkarkimeve në institucione dhe kjo vazhdon të pengoj menaxhimin. Emërimet e tilla po bëhen politike, jo duke u bazuar në merita”, ka thënë Apostolova.
Lidhur me ekonominë, ajo ka thënë se Kosova ka shënuar përparim, por ka përmendur numrin e madh të veteranëve si problem për financat.
Tutje, Apostolova ka përmendur edhe disa prej fushave në të cilat thotë se nuk është vënë re asnjë përparim.
“Fushat ku s’ka pasur përparim kanë qenë arsimi dhe mjedisi. Në arsim duhet të përmirësohet cilësia, e cila është shtytja kryesore për konkurueshmërinë. Duhet të bëhen reforma, për standarde më të mira. Të ketë pavarësi për institucionin e Arsimit të lartë. Edhe mjedisi duhet të jetë prioritet nga të gjitha aktorët. Bëhen shumë dëmet mjedisore, por legjislacioni po mbetet i pazbatuar. Mbetjet shkaktojnë rrezik për njerëzit. Nivelet e ndotjes së ajrit janë alarmante”, ka shtuar ajo.
Shefja e BE’së tha se Kosova ka një rrugë të gjatë drejt Bashkimi Evropian, por sipas saj raporti jep udhëzime konkrete për Kosovën, andaj institucionet duhet t’i kenë parasysh ato./Periskopi
