3 orë më parëHoti: Haradinaj nuk mundi ta shkarkojë drejtorin e AKI-së. Kujt i raporton ky drejtor?
Periskopi(8 vite më parë)
(8 vite më parë)Kuvendi i Republikës së Kosovës po mban seancë të jashtëzakonshme në lidhje me deportimin e gjashtë shtetasve turq në vendin e tyre. Shefi i Grupit Parlamentar të Lidhjes Demokratike të Kosovës, Avdullah Hoti, ka thënë se është skandaloze që pas ndodhisë me deportimin e qytetarëve turq, krerët e shtetit për këtë çështje u takuan në […]
Kuvendi i Republikës së Kosovës po mban seancë të jashtëzakonshme në lidhje me deportimin e gjashtë shtetasve turq në vendin e tyre.
Shefi i Grupit Parlamentar të Lidhjes Demokratike të Kosovës, Avdullah Hoti, ka thënë se është skandaloze që pas ndodhisë me deportimin e qytetarëve turq, krerët e shtetit për këtë çështje u takuan në një restorant, raporton Periskopi.
Hoti ka përmendur edhe mos shkarkimin e drejtorit të AKI’së, Driton Gashi, për të cilin Haradinaj fillimisht kishte thënë se do të shkarkohet.
“Kryeministri nuk mundi të shkarkojë drejtorin e AKI’së. Ky drejtor nuk u paraqit as në Komisionin Parlamentar. Shtrohet pyetja se kujt I raporton ky nëse jo komisionit parlamentar”, tha Hoti.
Ai ka thën se deklarimi i kryetarit të Kuvendit, Kadri Veseli, I cili tha se kjo gjë nuk do të përsëritet më, nuk mjafton për familjarët e personave të deportuar.
“Deklarimi i Veselit që kjo nuk do të përsëritet më, nuk ka kuptim për familjarët e këtyre personave. Shkeljet e të drejtave njerëzore të këtyre personave nuk mund të riparohen me asnjë veprim që shteti i Kosovë mund të marr tash e tutje”, u shpreh Hoti.
