4 orë më parëHaradinaj as një fjalë për kërcënimin që ia bëri Erdogan, ja çka poston në Facebook (Foto)
Periskopi(8 vite më parë)
(8 vite më parë)Besimtarët e Krishterë sot po e kremtojnë Festën e Pashkëve. Me këtë rast, kryeministri Ramush Haradinaj ka vizituar shtëpinë e mikut të tij të ndjerë, Gjon Berishës. ‘Kënaqësi të isha në shtëpinë e mikut të ndjerë, Gjon Berisha, dhe të ndajë me pasardhësit gëzimin e dyfishtë, të festës së Pashkëve dhe fejesës së djalit, […]
Besimtarët e Krishterë sot po e kremtojnë Festën e Pashkëve. Me këtë rast, kryeministri Ramush Haradinaj ka vizituar shtëpinë e mikut të tij të ndjerë, Gjon Berishës.
‘Kënaqësi të isha në shtëpinë e mikut të ndjerë, Gjon Berisha, dhe të ndajë me pasardhësit gëzimin e dyfishtë, të festës së Pashkëve dhe fejesës së djalit, Tomës.
E bekuar qoftë familja shqiptare!’, ka shkruar ai në Facebook.
Por Haradinaj ende asnjë fjalë nuk e ka thënë për kërcënimet që dje presidenti turk, Recep Tayp Erdogan ia bëri atij. Të gjithë po e presin reagimin e kryeministrit të Kosovës.
Erdogan e ka kritikuar atë për shkarkimin e ministrit të Brendshëm dhe shefit të AKI-së, dhe i ka ftuar kosovarët të protestojnë kundër tij.
“Shërbimet tona sekrete kanë sjellë këtu gjashtë anëtarë të Gylenit. Por jam i mërzitur sepse mora vesh që janë shkarkuar minitri i Brendshëm dhe shefi i shërbimeve sekrete. Ej, kryeministri i Kosovës, që kur paske filluar të mbrosh ata që kanë bërë grusht shteti në Turqi? Nga kush i merr urdhrat ti? Jam i sigurt që populli i Kosovës, vëllezërit tanë aty, do të t’a japë përgjigjen e merituar”, tha Erdogan duke sulmuar njëkohësisht SHBA-të, të cilat sipas tij kontrollojnë Haradinajn./Periskopi/
