Flamur Sefaj flet pas dorëheqjes

Flamur Sefaj i Aleancës Kosova e Re, sot ka dhënë dorëheqje nga posti i ministrit të Punëve të Brendshme.

Ai në një postim në Facebook, ka shkruar se nuk ishte dakord me arsyen që kryeministri Ramush Haradinaj i kishte dhënë atij për ta liruar pozitën.

Sipas tij, aksioni i Policisë së Kosovës në veri të Mitrovicës ishte në mbrojtje të Kushtetutës.

Ky është postimi i Sefajt:

Të dashur qytetarë,

Edhe pse nuk isha dakord për arsyen e dhënë në kërkesën për lirimin e pozitës si ministër i Punëve të Brendshme sot ofrova dorëheqjen time të parevokueshme.

Për mua ishte privilegj, nder dhe krenari qe i shërbeva vendit tim për 7 muaj rresht.

Dua t’i siguroj të gjithë qytetarët e Republikës së Kosovës, se operacioni i Policisë tonë në veri të Kosovës, mbrojti Kushtetutën dhe principet e shoqërisë sonë multietnike.

Përzemërsisht,

Flamur