3 orë më parëErë zgjedhjesh, Enver Hoxhaj nis fushatën me “Dekadën e Re”
Periskopi(8 vite më parë)
(8 vite më parë)Në Prishtinë është hapur Panairi i Përgjithshëm Ndërkombëtar “Prishtina 2018” i organizuar nga Oda Ekonomike e Kosovës. Në këtë panair marrin pjesë 174 kompani, 70 prej tyre nga Serbia, vetëm një nga Shqipëria dhe 2 nga Gjermania. Klubi i Prodhuesve të Kosovës ka shprehur pakënaqësinë se si paratë e taksa-paguesve kosovarë po shfrytëzohen në promovimin […]
Në Prishtinë është hapur Panairi i Përgjithshëm Ndërkombëtar “Prishtina 2018” i organizuar nga Oda Ekonomike e Kosovës.
Në këtë panair marrin pjesë 174 kompani, 70 prej tyre nga Serbia, vetëm një nga Shqipëria dhe 2 nga Gjermania.
Klubi i Prodhuesve të Kosovës ka shprehur pakënaqësinë se si paratë e taksa-paguesve kosovarë po shfrytëzohen në promovimin e kompanive serbe në Kosovë, përkatësisht në panairin “Prishtina 2018”, të cilin e organizon Oda Ekonomike e Kosovës dhe i bënë ftesë të gjitha kompanive kosovare pjesëmarrëse në këtë panair që në shenjë proteste ta bojkotojnë këtë panair.
Me këtë rast, zëvendëskryeministri Enver Hoxhaj, ka mbajtur një fjalim duke thënë se pikërisht ngjarje të tilla, si organizimi i këtij Panairi, tregojnë se Kosova po shënon hapa të mirë drejt progresit të të bërit biznes.
“Po shënojmë fillimin e dekadës së dytë prej fillimit të shtet ndërtimit, ta ndërtojmë një shoqëri të fortë, të re. Një shoqëri e fortë mund të ndërtohet vetëm kur ka ekonomi të fortë. Duke hapë edhe Kosovën me vendet e rajonit por edhe me vendet jashtë Evropës.. Ky do të jetë një prioritet i joni që ka të bëjë me përmirësimin e gjendjes ekonomike por edhe me integrimin në Evropë. Integrimi në Evropë është prioritet i politikës. Ky panair përkon me një datë të rëndësishme siç është publikimi i raportit nga ana e Komisionit Evropian. Besoj se pas pak kohësh unë dhe kryetari i Kuvendit do ta pranojnë këtë raport. Nga ajo që kemi parë në media, nëse ka progres të cilin e ka shënuar Kosova është pikërisht progresi i të bërit biznes. Nëse ka progres në një fushë, është kryesisht përmirësimi i ambientit të të bërit biznes. 179 kompani të ndryshme nga rajoni dhe Evropa, shpresoj që në vitin e ardhshëm do ta dyfishojmë këtë prani dhe me një bashkëpunim edhe më konkret ekonomik. Njana prej prioriteteve tona është që Kosova është një vend dhe një shoqëri e hapur. Jemi të interesuar që Kosovën ta shohim pjesë të rajonit dhe Evropës”, ka thënë Hoxhaj./Periskopi/
