Drejtori i “Mehmet Akif”: Jam thellësisht i ndikuar nga idetë e Fetullah Gylenit

Në një intervistë për Periskopin, Ulus tha se idetë dhe mendimet e Gylenit janë të rëndësishme për të dhe drejtuesit e institucioneve gyleniste arsimore në Kosovë. Ai tha se ndikohet nga fryma gyleniste.

Ai u përgjigj për etiketimet “gylenistë” për 6 të dëbuarit turq dhe stafin e institucioneve të kësaj organizate. Tha se të jesh gylenist nuk është krim dhe se nuk krahasohet me terrorizmin.

“Po. Nga tash, e kemi këtë etiketë, që është gylenistë. Të jesh gylenist nuk është krim, kjo është gjëja e parë që më duhet ta them lidhur më këtë çështje. Zoti Fetullah Gylen, është një person vërtet i çmuar, një turk i çmuar. Mund të them se idetë dhe mendimet e tij janë të rëndësishme për ne dhe personalisht jam thellësisht i ndikuar nga idetë e tij. Por kjo nuk më bën mua gylenist dhe të qenurit gylenist nuk është njëjtë sikurse të jesh terrorist, sepse asnjë prej tyre në të gjithë botën nuk ka asnjë armë dhe kurrë nuk kanë përdorur armë për të kryer një krim”, tha Ulus.

Ulus tha se është e parëndësishme nëse Erdogan thotë se gylenistët janë terroristë.

“Dhe nuk është me rëndësi nëse Erdogani thotë se ata janë terroristë. Mund të them me siguri se ne nuk jemi terroristë”, tha Ulus. /Periskopi/