6 orë më parëDeputeti i NISMA-s: Opozita nuk i ka numrat për rrëzimin e Qeverisë
Periskopi(8 vite më parë)
(8 vite më parë)Partitë në koalicionin qeverisës nuk e kanë ndërmend të rrëzojnë Qeverinë e Ramush Haradinajt. Kjo përgjigje e deputetit nga radhët e Nismës Socialdemokrate, Haxhi Shala, vjen si një demant ndaj deklaratës së deputetes së Alternativës, Mimoza Kusari-Lilës. Kjo e fundit kishte thënë se vet PDK-ja ose Nisma do e rrëzojnë Haradinajn nga posti i kryeministrit. […]
Në një përgjigje për Indeksonline, Shala ka thënë se nuk e kanë ndërmend asnjëra nga partitë në koalicion që të bëjnë një hap të tillë.
Sipas tij, vet opozita nuk i ka numrat që ta rrëzojë Qeverinë, andaj tani bëjnë matematika dhe nxjerrin teori të pabazuara.
“Sidoqoftë ajo është një teori e dikujt në opozitë, por as që diskutohet rrëzimi i Qeverisë nga ana e këtyre dy subjekteve politike. A munden, munden, por nuk e kanë ndërmend. Ajo është veç teori e opozitës sepse as ata nuk i kanë numrat dhe mundohen me formu një teori. Ata janë në opozitë dhe ata duhet të shikojnë nëse janë të gatshëm të shkohet në zgjedhje, nëse s`janë të gatshëm duhet t`i lihet hapësirë Qeverisë që të punojë. Por, nëse janë të gatshëm të shkojnë në zgjedhje dhe i kanë numrat, le të veprojnë dhe le ta rrëzojnë. Por nuk po i kanë numrat dhe po i bëjnë matematika”, ka thënë ai.
Tutje, Shala ka thënë se koalicioni është duke vazhduar punët, ndonëse në Parlament kanë vështirësi për shkak të numrave.
Deputeti i Nismës ka komentuar temën e zgjedhjeve, duke thënë se asnjëra nga partitë që pretendojnë pushtetin nuk janë në gjendje të ballafaqohen me çështjet që e presin Kosovën këtë vit.
“Nuk ka asnjë përçarje deri më sot brenda këtij koalicioni. Punët vazhdojnë … kemi pak vështirësi në Parlament për shkak të numrave që i kemi në mungesë por institucionet funksionojnë. Unë mendoj që nuk është koha për zgjedhje sepse vendin e presin disa sfida të cilat partitë që janë në opozitë ose partitë që pretendojnë me e marrë pushtetin, nuk janë të gatshëm të ballafaqohen me këto sfida të vendit që i presin këtë vit. Por as vendi nuk është i gatshëm që të shkohet në zgjedhje në këtë kohë”, ka thënë ai për Indeksonline.
Ndryshe, viti 2018 pritet të jetë definitiv për dialogun Kosovë-Serbi i cili pritet të hyjë në fazën përfundimtare. Në anën tjetër, Kosova pritet ta formojë Asociacionin e Komunave Serbe për të cilin është formuar edhe Ekipi Menaxherial për krijimin e statutit të AKS-së. Po ashtu, shteti pritet të bëhet edhe me Ushtri, meqë Forca e Sigurisë së Kosovës do të transformohet në Forcë të Armatosur të Kosovës.
Epilog pritet t`i jepet edhe çështjes së liberalizimit të vizave. Kuvendi i Kosovës më 21 mars ka ratifikuar marrëveshjen për shënjimin e vijës kufitare me Malin e Zi, si kusht kryesor për liberalizim
