3 orë më parëÇfarë i tha taksisti kosovar mësuesit të shkollës gyleniste, pas dëbimit të 6 turqve?
Periskopi(8 vite më parë)
(8 vite më parë)Drejtori i shkollës “Mehmet Akif”, Nazmi Ulus, thotë se u është dhënë mbështetje e madhe nga qytetarët e Kosovës, pas arrestimit dhe dëbimit të 6 bashkëpunëtorëve të tij drejt Turqisë, të cilët punonin në institucionet gyleniste arsimore në Kosovë. Në një intervistë për Periskopin, Ulus ka treguar edhe për një rast, kur një taksist kosovar […]
Në një intervistë për Periskopin, Ulus ka treguar edhe për një rast, kur një taksist kosovar i ka kërkuar falje njërit prej kolegëve të tij për atë që u ka ndodhur 5 mësuesve dhe mjekut që u dëbuan në Turqi, përmes një bashkëpunimi ndërmjet shërbimit inteligjent të Kosovës dhe atij të Turqisë.
Ulus, ka thënë se në shkollën që ai drejton kanë shkuar shumë kosovarë për ta vizituar, duke i përshkruar takimet si skena me lot e dhimbje.
“Me të vërtetë jemi falënderues ndaj tyre, e çmojmë mbështetjen e tyre. Shumë familje erdhën dhe na vizituan në shkollat tona. Do të duhej të shihnit ato skena. Shumica e tyre qanin, na thoshin “MË FAL”, na vjen keq, nuk mundëm t’ju mbrojmë. Një nga kolegët tanë kishte marrë një taksi për në shkollë dhe i kishte thënë që ta dërgojë në kolegjin Mehmet Akif. Ai ishte një drejtues makine, një drejtues taksie, djali apo vajza e tij nuk janë në shkollën tonë, nuk kishim ndonjë lidhje më parë me të. Ai ka thënë “më fal. Më vjen shumë keq që nuk mundëm t’ju mbrojmë ju”. Kështu që, disa njerëz më pyesin sikurse ju se çfarë do të bëjmë tash e tutje dhe unë u them se nuk mund ta tradhtojmë askënd që na ndihmoi dhe mbështeti kaq shumë, ne do të vazhdojmë me edukimin në shkollat tona, s’do të shkojmë askund tjetër”, ka thënë Ulus. /Periskopi/
