2 orë më parëArrestohet aktivisti i GDP-së për veprat që i kishte bërë si aktivist i VV-së, reagon Molliqaj
Periskopi(8 vite më parë)
(8 vite më parë)Deputeti i Grupit të Pavarur të Deputetëve, Dardan Molliqaj ka reaguar ndaj arrestimit të një aktivisti të grupit të tij politik nga Policia e Kosovës në kufirin në Vërmicë. Aktivisti Korab Korça, është arrestuar për shkak se dyshohet për prishje të rendit gjatë ceremonisë së inaugurimit të presidentit të Kosovës, Hashim Thaçi, në kohën kur […]
Aktivisti Korab Korça, është arrestuar për shkak se dyshohet për prishje të rendit gjatë ceremonisë së inaugurimit të presidentit të Kosovës, Hashim Thaçi, në kohën kur ishte aktivist i Lëvizjes Vetëvendosje.
Molliqaj, këtë arrestim e ka vlerësuar si qasje selektive të organeve të drejtësisë, duke thënë se Policia po i shërben një njeriu që u zgjodh president nën mbrojtjen e forcave të mëdha policore.
Reagimit i plotë i Molliqajt:
Sot, në mesditë në kufirin në Vërmicë, është ndaluar e më pas arrestuar nga policia e Kosovës, aktivisti politik Korab Korça.
Bashkë me 12 aktivistë të tjerë ata janë të dyshuar për prishje të rendit gjatë ceremonisë së inaugurimit të të ashtu-quajturit Presidenti i Kosovës, Hashim Thaçi.
Korabit nuk i ka ardhë ndonjë ftesë që të mos përgjigjet në prokurori apo gjykatë. Ai dhe 11 aktivistë të tjerë u patën liruar me procedurë të rregullt.
Ai vazhdon të mbahet në paraburgim pa asnjë bazë ligjore dhe pa asnjë arsye të dhënë nga policia.
Kjo dëshmon qasjen selektive të organeve të drejtësisë dhe policisë. Ndalimi i Korabit tregon për sistem policor në shërbim të një njeriu i cili u zgjodh atë kohë në masa të rrepta sigurie me mbi 4000 policë.
