Arianit Koci e qorton fort Erdoganin

Avokati Arianit Koci ka qortuar presidentin turk, Recep Tayip Erdogan pasi ky i fundit adresoi kërcënime ndaj kryeministrit Ramush Haradinaj.

Haradinaj shkarkoi ministrin e Brendshëm dhe shefin e AKI-së në Kosovë, pasi me kordinatat e tyre u arrestuan dhe deportuan gjashtë gylenistë për në Turqi.

Sipas Kocit, kërcënimi i Erdoganit nuk ishte aspak diplomatik dhe veprimin e tij e konsideron si tentim për grusht shtet ndaj Kosovës.

Koci shkruan se përkundër kësaj, nuk harrojmë miqësinë me Turqinë.

Ja postimi i plotë në Facebook:

1. Erdogan bërë tentim grusht-shteti ndaj Kosovës

Deklarimi i Juaj president Erdogan ndaj Kryeministrit tonë Haradinaj, na ka bërë tē ndihemi keq. Shumë keq.
Kërcënimi juaj nuk ishte aspak diplomatik. Ishte sikur, ruana Zot, të themi se Gulen duhet të ju rrëzojë nga pushteti me grusht shtet.

Njëfarë tentim grusht shteti nga distanca bëre edhe Ti, z. President, ndaj Kosovës.
Por, ne shqiptarët nuk jemi bukë përmbysës. Nuk harrojmë asnjëherë miqësinë që e kemi me popullin turk dhe juve personalisht.
Nuk harrojmë se populli turk dhe ju si lider i tij, e ndihmuat thellësisht pavarësinë e Kosovës.

Miqësinë duam ta ruajmë me çdo kusht. Prandaj, president Erdogan: Ju respektojmë si lider i një shteti mik, i cili është zgjedhur me votën e popullit.
Kërkojmë, si miq që jemi, që edhe ju ta respektoni vullnetin tonë.
Kryeministri i jonë është zgjedhur me votën tonë, në procedurë demokratike.