Arabia Saudite hap kinemanë e parë pas 35 viteve ndalesë

AMC tha të mërkurën se u është lëshuar licensa e parë për operim kinemasë nga Ministria e Kulturës së Arabisë Saudite për t’i dhënë fund një ndalimi 35-vjeçar.

Një varg e Shteteve të Bashkuara kanë nënshkruar një marrëveshje me qeverinë saudite për hapjen e 30 kinemave në gjithë mbretërinë gjatë pesë viteve të ardhshme, thuhet sipas deklaratës së kompanisë.

Kinemaja e parë filmike AMC do të hapet në kryeqytetin e Arabisë Saudite, Riad më 18 prill.

AMC, e cila është në pronësi të konglomeratit kinez të pronave dhe argëtimit Dalian Wanda Group, ka gjasa të fitojë tenderin duke konkurruar me operatorët e kinemasë rajonale, raporton “CNN”, transmeton Periskopi.

Vox Cinemas dhe Novo Cinemas, së bashku kanë bazat e tyre në Emiratet e Bashkuara Arabe, të cilat janë të interesuara të shtrijnë biznesin në kufij të ri.

Industria e kinesmasë së Arabisë Saudite është paraparë të rritet rreth 1 miliardë dollarë gjatë viteve të ardhshme, tha AMC.

Arabia Saudite po kalon një ristrukturim ekonomik nën Vizionin 2030 – një plan për diversifikimin e ekonomisë gjatë dekadës së ardhshme dhe zvogëlimin e mbështetjes së vendit ndaj naftës.

Qeveria është duke investuar miliarda në sektorin e argëtimit, duke shpresuar se ky mund të jetë një katalizator për rritjen e ekonomisë, në krijimin e punëve të reja dhe mundësi për investime.

Qeveria saudite do që qytetarët e saj të shpenzojnë më shumë në argëtim dhe turizëm brenda vendit, tha Ahmed Al Khateeb, kryetari i Autoritetit të Përgjithshëm të Argëtimit të Arabisë Saudite, në një intervistë me Richard Quest të “CNNMoney” të mërkurën.

Al Khateeb tha se sauditët shpenzojnë rreth 20 miliardë dollarë në vit jashtë shtetit për argëtim dhe turizëm./Periskopi/