8 orë më parëAdem Grabovci i gatshëm të jetë ‘kurban’ i liberalizimit të vizave
Periskopi(8 vite më parë)
(8 vite më parë)Ish-shefi i Grupit Parlamentar të Partisë Demokratike të Kosovës, Adem Grabovci, vazhdon ta mohoj fajësinë e tij lidhur me rastin “Dosja e Shefave”. Grabovci përveç që mohon kategorikisht fajësinë e tij, ai vazhdon ta quaj vetën si flijues për të mirën e Kosovës. Grabovci që dyshohet se punësonte persona varësisht nga pozicionimet e tyre […]
Ish-shefi i Grupit Parlamentar të Partisë Demokratike të Kosovës, Adem Grabovci, vazhdon ta mohoj fajësinë e tij lidhur me rastin “Dosja e Shefave”.
Grabovci përveç që mohon kategorikisht fajësinë e tij, ai vazhdon ta quaj vetën si flijues për të mirën e Kosovës.
Grabovci që dyshohet se punësonte persona varësisht nga pozicionimet e tyre politike, thotë se është i gatshëm të flijohet në rast se nevojitet dënimi i tij, që Kosova të fitojë liberalizimin e vizave.
“Nuk ka gjykatë që do ta nxjerrë në botë fajësinë time në këtë rast, por Adem Grabovci është në gjendje të jetë ‘kurban’ i liberalizimit të vizave”, ka thënë Grabovci.
Në rastin “Pronto” janë të akuzuar njëmbëdhjetë persona me funksione të larta zyrtare: ish-deputeti Adem Grabovci, ministri aktual Besim Beqaj, deputeti aktual Zenun Pajaziti, dy ish-Sekretarë të përgjithshëm Ilhami Gashi dhe Xh.D., ish-zëvendësministri Fatmir Shurdha, këshilltari politik në MPB Sadat Gashi, ish-drejtori i Bordit të ndërmarrjes publike “Radoniqi-Dukagjini” në Gjakovë I.N., ish drejtori i Bordit të ndërmarrjes publike Hidro-Drini” në Pejë R.A., ish-kryesuesi i Kuvendit të Komunës së Prizrenit, Nijazi Kryeziu dhe ish shefja e Njësisë për furnizim në Ministrinë e Shëndetësisë Arbenita Pajaziti.
Të akuzuarit akuzohen për kryerjen e veprës penale Shkelja e statusit të barabartë të shtetasve dhe banorëve të Republikës së Kosovës në bashkëkryerje, nga neni 193 paragrafi 4 lidhur me paragrafin 1 të KPRK’së, lidhur me nenin 31 të KPRK’së, prej të cilave disa prej veprave kanë mbetur në tentativë.
Sipas aktakuzës, të pandehurit kanë keqpërdorur pozitat e tyre zyrtare duke bashkëpunuar në mes vete për dhënien e privilegjeve dhe përparësive kundërligjshme personave të cilët kanë konkurruar në funksione të rëndësishme, siç janë: drejtor për Ndërmarrjet publike qendrore, Kryeshef Ekzekutiv i Agjencisë së Regjistrimit në Ministrinë e Punëve të Brendshme, Kryeshef i Agjencisë për produkte medicinale dhe Koordinator i Qendrës së Regjistrimit Civil në Komunën e Klinës, duke mohuar dhe kufizuar liritë dhe të drejtat e kandidatëve të tjerë, të garantuara me ligj.
