8 orë më parë104-vjeçarja nga Gjilani që navigon me telefon të mençur si një 20-vjeçare (Video)
Periskopi(8 vite më parë)
(8 vite më parë)Xhezide Alija nga Stançiqi i Gjilanit kishte shkuar te të afërmit e saj në Kumanovë, nga ku edhe ka folur për RTV 21, për sekretin e jetëgjatësisë së saj. Ajo është 104 vjeçe dhe është në gjendje të mirë fizike, sa nuk ka fare nevojë për syze dhe nuk e ka fare problem t’i përshtatet […]
Ajo është 104 vjeçe dhe është në gjendje të mirë fizike, sa nuk ka fare nevojë për syze dhe nuk e ka fare problem t’i përshtatet teknologjisë, përcjellë gazetametro.net.
Gjyshja ka mbijetuar katër luftëra, ka 60 pasardhës, duke përfshirë pesë fëmijët e saj, nipër e mbesa, stërnipër e stërmbesa.
Ajo vazhdon të ketë një memorie të shkëqyer. Sekreti i jetëgjatësisë së saj, ajo thotë të jetë puna e pandërprerë, ushqimi modest dhe i shëndetëshëm.
“Kam kaluar gjithë jetën duke ngrënë bukë misri, domate, qepë, lakër dhe të tjera, dhe vetëm qumësht delesh”, thotë ajo.
Ajo thotë se jeta nuk është e keqe sot, por nuk i pëlqen mënyra se si vajzat e reja janë të veshura. Ajo thotë se gratë duhet të jenë ndryshe nga burrat.
“Tani veshja është më ndryshe. Nuk më pëlqen aspak, por çfarë të bëj. Vajza duhet të jetë një vajzë, gruaja grua, burri burrë. Ata duhet të jenë të ndryshëm. Tani nuk dihet nëse është vajzë, nuse apo burrë”, thotë gjyshe Xhezidja.
Ajo po vizitonte Kumanovën për djalin e xhaxhait të saj, i cili ishte 80 vjeç.
