5 orë më parëVjen reagimi i parë nga LDK pas raportimeve se është arritur konsensus për Demarkacionin
Periskopi(8 vite më parë)
(8 vite më parë)Nënkryetari i Lidhjes Demokratike të Kosovës, Agim Veliu ka thënë për Periskopin se ende nuk e ka marrë zyrtarisht informacionin se është pranuar kushti i LDK-së për ratifikimin e marrëveshjes së Demarkacionit me Malin e Zi. Veliu përmes telefonit ka thënë se kërkesa e qartë e LDK-së ka qenë që raporti i Komisionit të kryesuar […]
Veliu përmes telefonit ka thënë se kërkesa e qartë e LDK-së ka qenë që raporti i Komisionit të kryesuar nga Bulliqi, të jetë vetëm orientues dhe informues, jo obligues, siç insistonte kryeministri Ramush Haradinaj.
“Ne e përshëndesim nëse është marrë vendimi që të përkrahet ky kusht i LDK-së. LDK do ta votojë demarkacionin bazuar më Marrëveshjen e vitit 2015, dokumentin e Presidentëve dhe raportin informues të Komisionit”, tha Veliu për Periskopi.
Në anën tjetër, Kryeparlamentari Kadri Veseli ka konfirmuar arritjen e konsensusit politik për ratifikimin e marrëveshjes për Demarkacion, shkruan Periskopi.
“Të nderuar qytetarë, Sapo kemi arritur konsensusin për të ratifikuar Marrëveshjen për Shënimin e Kufirit me Malin e Zi. Dëshiroj të falënderoj Kryeministrin Haradinaj, Lidhjen Demokratike të Kosovës, Nismën Socialdemokrate dhe zëvendëskryeministrin Pacolli për gatishmërinë për konsensus dhe për dialogun shumë konstruktiv. Ky bashkëpunim duhet të na përcjellë edhe në procese të tjera të rëndësishme për vendin”, shkruan Veseli në Facebook./Periskopi
