7 orë më parëSulmi terrorist ndaj ambasadës amerikane, FBI zbarkon në Podgoricë
Periskopi(8 vite më parë)
(8 vite më parë)Prokuroria dhe policia në Mal të Zi e identifikuan sulmuesin e dyshuar të ambasadës amerikane në Podgoricë si Dalibor Jaukoviq, i lindur në Kralevë të Serbisë. I dyshuari hodhi një pajisje shpërthyese në ndërtesën e ambasadës në orët e para të ditës së sotme, përpara se të vriste veten. Prokuroria dhe policia malazeze thanë se […]
I dyshuari hodhi një pajisje shpërthyese në ndërtesën e ambasadës në orët e para të ditës së sotme, përpara se të vriste veten.
Prokuroria dhe policia malazeze thanë se Jaukoviq dyshohet se ka aktivizuar një granatë dore M75 në drejtim të kompleksit të ambasadës.
Në hetime u tha se është përfshirë edhe FBI-ja.
Ambasada amerikane në Podgoricë tha se akush nga stafi nuk është plagosur.
Drejtoria e Policisë së Malit të Zi tha se nuk i di ende motivet e sulmuesit.
“Ky person mashkull, sipas aktiviteteve të ndërmarra deri më tani, është vrarë pasi ka shpërthyer një mjet shpërthyes dhe pasi ka hedhur një mjet shpërthyes në kompleksin e ambasadës”, tha policia më herët.
Në deklaratën e saj po ashu u tha se nuk ka asnjë dëm tjetër përveç një krateri nga shpërthimi.
Në një postim në Twitter, zëdhënësja e Departamentit amerikan të Shtetit, Heather Nauert, konfirmoi se ka pasur një “shpërthim të vogël pranë kompleksit të ambasadës amerikane në Podgoricë”.
Ambasada i paralajmëroi shtetasit amerikanë që të qëndrojnë larg deri në njoftimin e radhës.
“Ambasada e SHBA-së në Podgoricë i paralajmëron shtetasit amerikanë për një situatë aktive të sigurisë në ambasadën në Podgoricë. Shmangeni ambasadën deri në njoftimin e radhës”, thuhet njoftimin e faqes se saj.
Ambasada po ashtu i udhëzoi amerikanët që t’i shmangin tubimet e mëdha në Podgoricë dhe të monitorojnë mediat lokale për përditësime mbi situatën.
Ajo i anuloi të gjitha shërbimet e parapara për ditën e sotme.
Qeveria e Malit të Zi tha se e dënon fuqishëm sulmin, ndërsa ministri i Brendshëm malazez, Mevludin Nuhoxhiq, dhe drejtori i Policisë, Sllavko Stojanoviq, vizituan sot vendin e ngjarjes dhe ambasadën amerikane.
Zëdhënësja e Bashkimit Evropian, Maja Kocijançiq, tha se dhuna nuk është diçka që mund të falet, porse BE-ja pret rezultatet e hetimeve që po bëjnë autoritetet malazeze.
Fotografitë e postuara në atë që supozohet të jetë profili i të dyshuarit në Facebook, përfshijnë një çmim që Jaukoviq ka fituar për shërbimin në ushtrinë jugosllave në vitin 1999, i cili duket se është nënshkruar nga Sllobodan Millosheviq. Konfirmim zyrtar për të kaluarën e tij ushtarake apo për çmimin nuk ka ende.
