Studimi më i ri: Homo erectusi ishte i aftë të lundronte dhe të fliste

Ata kishin trupa të ngjashëm me njeriun modern, mund të bënin mjete për gatimin e vakteve. Një ekspert argumenton se Homo erectusi mund të ketë qenë një marinar.

Homo erectusi është paraqitur para më shumë se 1, 8 milion viteve në Afrikë dhe mendohet se ishte njeriu i parë që ishte larguar nga kontinenti duke përdorë mjete lëvisëse.

Eshtrat e Homo erectusit nuk janë gjetur vetëm në Evropën lindore, por ato janë shfaqur në Kinë dhe në Indonezi, raporton “The Guardian”, transmeton Periskopi.

“Oqeanët asnjëherë nuk kanë qenë pengesë e udhëtimit të erectusit. Ai udhëtonte në të gjithë botën, udhëtonte në ishujt e Flores, një nga rrymat më të mëdha të oqeanëve në të gjithë botën,” tha profesori i studimeve globale në Universitetin Bentley dhe autor i librit “Si filloi gjuha”, Daniel Everett.

“Ata lundronin drejt ishujve të Kretës dhe ishujve tjerë. Ata e bënin këtë qëllimshëm: ata kishin nevojë për punë artizanale dhe kishin nevojë për të marrë grupe të paktën njëzet ose më shumë për të arritur në ato vende.”

“Erectusi kishte nevojë për një gjuhë kur ata lundronin drejt ishullit Flores. Ata nuk mund të kishin kapur thjesht një udhëtim pa një regjistër sepse ato do të goditeshin nga një stuhi,” tha Everett, gjatë prezantimit të tij përpara Asociacionit Amerikan për Zhvillime Shkencore në Austin.

Nuk dihet kur gjuha shfaqet midis hominideve; disa argumentojnë se kjo është një veçori vetëm e specieve tona, Homo sapiens, që sugjeron një kohë jo më herët se 200.000 vjet më pare. Por Everett beson se gjuha kishte filuar të flitet edhe më herët.

“Rreth Homo erectusit flitet se kanë qenë krijesa budallenjsh, por sipas të dhënave ata kanë qenë krijesat më inteligjente që kanë ecur në tokë,” tha ai./Periskopi/