8 orë më parëS’ka konsensus për demarkacionin, seanca shtyhet për të mërkurën në orën 10:00
Periskopi(8 vite më parë)
(8 vite më parë)Nuk ka konsensus që sot të ratifikohet marrëveshja e demarkacionit me Malin e Zi. Pas pauzës në Kuvend, shefat e grupeve parlamentare, janë pajtuar që të shtyhet seanca për të mërkurën në orën 10:00, shkruan Periskopi. “Qëndrimi i LDK-së është i qartë, ne e mbështesim marrëveshjen e vitit 2015. E mbështesim edhe dekalratën e presidentëve. […]
Pas pauzës në Kuvend, shefat e grupeve parlamentare, janë pajtuar që të shtyhet seanca për të mërkurën në orën 10:00, shkruan Periskopi.
“Qëndrimi i LDK-së është i qartë, ne e mbështesim marrëveshjen e vitit 2015. E mbështesim edhe dekalratën e presidentëve. Ne në këtë çështje kërkojmë konsensus. I ftoj edhe kolegët nga VV që të ulemi të punojnë në draftin e projektligji dhe të mos kemi nevojë për votat e serbëve. Jemi dakord që seanca të shtyhet për një kohë më të përshtatshme, pasi të arrijmë konsensuset”, ka thënë shefi i GP të LDK-së, Avdullah Hoti.
Edhe shefi i GP të PDK-së, Memli Krasniqi ka thënë se pajtohet që seanca të shtyhet, shkruan Periskopi.
“Qëndrimi i PDK-së është që të vazhdojmë punën në arritjen e konsensusit nacional. Jemi dakord që seanca të vazhdojë të mërkurën në ora 10:00 dhe të arrihet vërtetë kalimi i dallimeve terminologjike”, ka thënë ai.
Edhe Ahmeti Isufi është pajtuar me këtë.
“Kemi qenë të interesuar që të korrigjohet versioni i demarkacionit të komisionit të mëershëm. Kthimi i territorit të humbur për ne është i domosdoshëm dhe duhet të bëhet në forma ligjore. Pajtohemi që të ketë konsensus dhe të hënën të mblidhemi sërish”, ka thënë shefi i GP të AAK-së.
Këtë gjë nuk e ka kundërshtuar as Bilall Sherifi i Nismës për Kosovën.
“Edhe ne pajtohemi që seanca të shtyhet për të mërkurën”, ka thënë Sherifi. /Periskopi/
