4 orë më parëSHBA përgadit sulmet kundrejt anijeve bregdetare të Koresë Veriore
Periskopi(8 vite më parë)
(8 vite më parë)Administrata e Trumpit dhe aleatët kryesorë aziatikë janë duke u përgaditur për të zgjeruar përgjimet e anijeve të dyshuara për shkelje të sanksioneve në Korenë e Veriut, një plan që mund të përfshijë vendosjen e forcave të gardës bregdetare të SHBA-së për të ndaluar dhe kërkuar anije në ujërat e Azi-Paqësorit, thanë zyrtarët e lartë […]
Uashingtoni ka biseduar me partnerët regjionalë, përfshirë Japoninë, Korenë Jugore, Australinë dhe Singaporin, rreth bashkëpunimit të një goditje që do të shkonte në një përpjekje për ndrydhur përdorimin e tregtisë detare nga Pheniani për të furnizuar programin e saj të raketave bërthamore, thanë disa zyrtarë për “Reuters”, transmeton Periskopi.
Ndërsa anijet e dyshuara janë kapur më parë, strategjia në zhvillim do të zgjeronte fushëveprimin e këtyre operacioneve, por do të ndalonte imponimin e një bllokade detare në Korenë e Veriut. Pheniani ka paralajmëruar se këtë bllokadë do ta konsideronte si një akt lufte.
Strategjia kërkon ndjekjen më të ngushtë dhe konfiskimin e mundshëm të anijeve të dyshuara për transportimin e pjesëve të ndaluara të armëve dhe ngarkesave të tjera të ndaluara nga Koreja e Veriut, sipas zyrtarëve, të cilët folën në kushte anonimiteti.
Në varësi të shkallës së fushatës, Shtetet e Bashkuara mund të marrin në konsideratë forcimin e fuqisë detare dhe ajrore të Komandës së saj të Paqësorit, thanë ata.
Nisma e udhëhequr nga SHBA, e cila nuk është raportuar më parë, tregon urgjencën gjithnjë në rritje të Uashingtonit për të detyruar Korenë e Veriut të negociojë mbi braktisjen e programeve të saj të armëve, thanë zyrtarët./Periskopi/
