7 minuta më parëSërish reagon Delawie: Çudi sa shumë po punojnë disa njerëz për t’i mbajtur të izoluar qytetarët
Periskopi(8 vite më parë)
(8 vite më parë)Ambasadori i Shteteve të Bashkuara të Amerikës në Kosovë, Greg Delawie, sërish ka reaguar për zhvillimet e fundit lidhur me Demarkacionin. Një ditë para votimit në Kuvendin e Kosovës për ratifikimin e Marrëveshjes për demarkacionin e kufirit ndërmjet Kosovës dhe Malit të Zi, Delawie ka dhënë një deklaratë të ashpër, në llogarinë e tij zyrtare, […]
Ambasadori i Shteteve të Bashkuara të Amerikës në Kosovë, Greg Delawie, sërish ka reaguar për zhvillimet e fundit lidhur me Demarkacionin.
Një ditë para votimit në Kuvendin e Kosovës për ratifikimin e Marrëveshjes për demarkacionin e kufirit ndërmjet Kosovës dhe Malit të Zi, Delawie ka dhënë një deklaratë të ashpër, në llogarinë e tij zyrtare, në Twitter.
Ai ka thënë se disa po punojnë shumë për t’i mbajtur të izoluar qytetarët.
“Është e çuditshme se sa shumë po punojnë disa njerëz për t’i mbajtur qytetarët e Kosovës larg udhëtimit në Evropë!”, ka shkruar ambasadori amerikan, në rrjetin social, në internet.
Në një shkrim tjetër, të bërë pak orë më herët, Delawie ka kërkuar nga deputetët e Kosovës që të ratifikojnë Demarkacionin, pasi qytetarët kanë pritur shumë gjatë për liberalizimin e vizave.
Ai madje ka shkruar në shqip “hajde”, pas kërkesës së tij që Kuvendi ta ratifikojë marrëveshjen e demarkacionit me Malin e Zi.
“Qytetarët kanë pritur shumë gjatë për liberalizimin e vizave, është koha që të ratifikohet marrëveshja e demarkacionit. Hajde!”, ka shkruar Delawie.
