6 orë më parëPolicia e Kosovës ndalon shtetasin serb me 4 kilogram marihuanë
Periskopi(8 vite më parë)
(8 vite më parë)Policia e Kosovës ka arrestuar një shtetas serb në Merdarë, për trafikim me substanca narkotike. I dyshuari S.J. është kapur nga policia gjatë kontrollit, e të cilit i janë gjetur një valixhe me 4 kG marihuanë. “Me datë 25.02.2018 rreth orës 23:30 në stacionin policor kufitar në Merdar gjatë kontrollit të kryer nga autoritetet në […]
“Me datë 25.02.2018 rreth orës 23:30 në stacionin policor kufitar në Merdar gjatë kontrollit të kryer nga autoritetet në autobusin e një kompanie në dalje të Republikës së Kosovës zyrtari policor kompetent gjatë realizimit të kontrollit në bagazhin e autobusit kishte hasur në një valigje në te cilën dyshohej se kishte një sasi të substancës së dyshuar narkotike.” thuhet në njoftimin e Policisë.
Policia ka njoftuar se personi në fjalë është me vendbanim në Beograd, por i lindur në Prizren.
“Pas veprimeve të nevojshme lidhur me ketë, Policia ka arrit ta identifikoi një person mashkull/serb, të dyshuarin me inicialet S. J.(1962-Prizren) me vendbanim në Beograd.
Janë njoftuar njësitet relevante të antidrogës, K9 dhe forenzika dhe pas kontrollit të detajuar ka rezultuar ne gjetjen e mbi 4 kg (4 kg 0.75 gram) substancë e dyshuar narkotike e llojit marihuane.” Thuhet në raportin e Policisë.
Pas konsultimit me prokurorin kompetent është iniciuar rasti për trafikim te substancave narkotike dhe i dyshuari është dërguar në mbajtje për procedura të mëtejme.
