Parlamenti holandez njeh gjenocidin armen, Turqia i kujton Srebrenicën

Parlamenti holandez ka mbajtur senacën e jashtëzakonshme ku ka votuar për njohjen e masakrës armene të Luftës së Parë Botërore, në një kohë kur tensionet me Turqinë janë rritur dukshëm.

Ligjvënësit holandez të cilët votuan pro ishin 142 në krahasim me 3 vota kundër. Gjithashtu votuan për të dërguar një përfaqësues të kabintetit në Armeni në prill në përkujtimin e vrasjeve, raporton “DW”, transmeton Periskopi.

Armenia ka kohë të gjatë që është duke kërkuar njohjen ndërkombëtare të gjenocidit për atë që vlerëson të jetë 1, 5 milion të vdekur armen në Perandorinë Osmane midis viteve 1915 dhe 1917.

Si pauses e Perandorisë Osmane, Turqia i ka refuzuar krimet e periudhës së Luftës së Parë Botërore dhe ka sulmuar vendet që e kanë njohur zyrtarisht gjenocidin armen.

Marrëdhëniet midis dy aleatëve të NATO-s kanë qenë të tensionuara që nga marsi i vitit 2017 kur politikanët turq u penguan nga fushatat në Hollandë për një referendum që zgjeroi fuqitë e Presidentit Rexhep Tajip Erdogan.

Më herët gjatë këtij muaji, Holanda zyrtarisht tërhoqi ambasadorin e saj nga Turqia dhe tha se nuk do të lejojë një ambassador të ri turk të marrë një post në Hagë. Masa u bë në përgjigje të Turqisë që nuk e njohu ambasadorin holandez si pjesë e pasojave nga mosmarrëveshja rreth fushatës së referendumit.

Ministria e Jashtme turke “e dënoi” vendimin e parlamentit holandez, duke thënë se një vend që ishte prezente gjatë masakrës së Srebrenicës të myslimanëve në Bosnjë, nuk kishte vend që të jepte vendime./Periskopi/