4 orë më parëPacolli tregon se si u arrit marrëveshja për kalimin e demarkacionit
Periskopi(8 vite më parë)
(8 vite më parë)Partitë politike shqiptare pjesë e Kuvendit të Kosovës, me përjashtim të Lëvizjes Vetëvendosje, arritën sot marrëveshje për kalimin e marrëveshjes së demarkacionit të kufirit me Malin e Zi në seancën e të mërkurës. Kjo marrëveshje u arrit me vullnetin e mirë të kryeministrit Ramush Haradinaj, pas një takimi pjesë e të cilit ishte edhe kryekuvendari […]
Kjo marrëveshje u arrit me vullnetin e mirë të kryeministrit Ramush Haradinaj, pas një takimi pjesë e të cilit ishte edhe kryekuvendari Kadri Veseli, ka thënë për Klan Kosovën zëvendëskryeministri Behgjet Pacolli.
Ai ka theksuar se duke parë insistimin e Lidhjes Demokratike të Kosovës për heqjen e Raportit të Shpejtim Bulliqit nga ligji, Haradinaj gjeti një rrugë të ndërmjetme duke i dhënë zgjidhje kështu një problemi që e ka mbajtur peng vendin për tre vjet.
Më herët përmes një shkrimi në llogarinë e tij në Facebook, Pacolli ka falënderuar Haradinajn, Veslin, Fatmir Limajn dhe zyrtarët e Lidhjes Demokratike të Kosovës për punën e bërë në drejtim të gjetjes së kësaj zgjidhje.
Akordin e arritur e kanë përshëndetur zyrtarë të institucioneve më të larta të vendit, të partive politike dhe opinionistë e pjesëtarë të shoqërisë civile.
