‘Nuk është një luftë. Është një masakër’ – lufta po shfaros popullin siran

Rritja e vrasjeve erdhi mes raportimeve të një incidenti të afërt të shkaktuar nga regjimi në zonën jashtë Damaskut, në të cilën qëndrojnë rreth 400, 000 shtëpi, raporton “The Guardian”, transmeton Periskopi.

Më shumë se 700 persona janë vrarë gjatë tre muajve, thuhet sipas të dhënave lokale, jo të përfshira vdekjet e javës së fundit.

Katër spitale gjithashtu janë bombarduar të hënën në lindje të Gutas, e cila dikur ishte copa e bukës së Damaskut, por që prej disa vitesh që është nën rrethimin e trupave ushtarake te Bashar al-Assad ku po i nënshtrohet edhe sulmeve kimike shkatërruese.

“Ne jemi duke qëndruar para masakrës së shekullit të 21-të,” tha një doktor. “Nëse masakra e viteve 1990 ishte Srebrenica dhe masakrat e viteve të 1980 ishin Halabja, Sabra dhe Shatilla, atëherë Guta lindore është masakra e këtij shekullit.”

Numri i të vdekurve shkon në 110 brenda një dite të vetme si pasojë e një dhune të shfrenuar e shkaktuar nga lufta në Siri.

Pas shtatë viteve konflikt, dhe ndërhyrjeve nga fuqitë globale, kriza njerëzore është rritur në vend që të ulet, në anën tjetër forcat besnike të Assadit dhe aleatëve të tij Rusisë dhe Iranit po kërkojnë një fitore të plotë në vend se t’i japin përparësi negociatave politike për t’i dhënë fund luftës./Periskopi/