4 orë më parëNjihuni me kryetarin e parë me ngjyrë të një komune në Zvicër
Periskopi(8 vite më parë)
(8 vite më parë)Thulani Thoman është i biri i një politikani zviceran dhe i një afrikaneje, i cili është rritur në Zvicër. Ai thotë se në rrugën e tij politike, ngjyra e lëkurës nuk ka luajtur asnjëherë ndonjë rol. Një deputet “me ngjyrë”, politikan me prejardhje afrikane, Zvicra tashmë e ka pasur, në nivelin nacional. Por kryetari i […]
Një deputet “me ngjyrë”, politikan me prejardhje afrikane, Zvicra tashmë e ka pasur, në nivelin nacional. Por kryetari i parë i zi i një parlamentit të një komune të Zvicrës është Thulani Thomann. 34 vjeçari nga Partia Socialdemokrate (SP) është zgjedhur së fundi në krye të asamblesë së komunës Ostremündingen, një paralagje e Bernës.
Thoman është i biri i një politikani zviceran dhe i një afrikaneje, i cili është rritur në Zvicër. Ai thotë se në rrugën e tij politike, ngjyra e lëkurës nuk ka luajtur asnjëherë ndonjë rol, shkruan 20minuten.ch.
Kryebashkiaku i ri nuk e ka ndërmend të abuzojë me rrëfimet për shqetësimet dhe ngacmimet që ai është detyruar t`i durojë në fëmijëri e në rini, e madje edhe sot, transmeton albinfo.ch. “Rëndësi ka që ne të flasim me njëri tjetrin, t`i rishikojmë paragjykimet ndaj të huajve. Në fund të fundit i gjithë planeti është përplot me të huaj”, thotë ai.
Thomann punon si instruktor i fitnesit. Ai ka fituar një vend në parlamentin e komunës para 5 vitesh ndërsa është rizgjedhur me rezultat të shkëlqyer edhe në vitin 2016, përcjell albinfo.ch.
Kryetari me pamje djaloshare – thotë se ende ia kërkojnë letërnjoftimin për të vërtetuar se është i moshës madhore – beson se do të vijë koha që të ketë edhe qeveritar “me ngjyrë” në nivel vendi. Por për një gjë të tillë ende duhet pritur, shton ai.
