Moderatorja shqiptare: Haja dru çdo ditë nga burri

Moderatorja e njohur, Gerta Heta ishte e ftuar në emisionin “Oktapod”, ku për herë të parë ka rrëfyer një historike shokuese, se si burri i saj i pari, kishte ushtruar dhunë fizike ndaj saj.

Ajo rrëfeu se për gjashtë muaj rresht ishte maltretuar fizikisht, duke mos patur guxim kjo që t’u tregojë prindërve.

“Lidhja ime e parë ka qenë me një person të dhunshëm dhe vuaja nga dhuna fizike. Haja dru do ditë. Isha 18-vje dhe nuk guxoja t’i thoja njeriu, se më bënte presione. ‘Do t’i thyej këmbët vëllait tënd’, më thoshte. Unë kisha frikë t’u tregoja edhe prindërve”, ka thënë moderatorja Heta.

Gerta, vazhdoi rrëfimin e saj, duke treguar se si kishte arritur që të ndahej nga ai. Po ashtu ajo tregoi edhe mënyrën si e kuptuan prindërit e saj për rrahjet që ia kishte bërë ish i dashuri i saj.

“Pas gjashtë muajve dhunë sistematike, u thashë prindërve dhe arrita të largohesha nga ai. Në plazh prindërit më panë me njolla të zeza në trup, dhe aty u detyrova dhe fola. U thashë prindërve që kisha nevojë për ndihmën e tyre, në mënyrë që më mos të më linin vetëm. Prindërit m’u gjetën jashtë mase afër. Një vit të tërë ata më sillnin dhe prisnin në shkollë. Ai më ndiqte, vinte te shkolla, shkruante tek muret: ‘Gerta të dua, më fal’. Ai ishte pesë vjet më i madh se unë. U largua pasiqë ia dërgova policinë në shtëpi”, ka rrëfyer Gerta.