8 orë më parëMianmari rrafshon fshatrat e myslimanëve Rohingya për të zhdukur gjurmët e vrasjeve
Periskopi(8 vite më parë)
(8 vite më parë)“Human Rights Watch” (HRW) thotë se veprimet e autoriteteve të Mianmarit kishin për qëllim mbulimin e provave të mizorive të kryera kundër myslimanëve Rohingya. HRW i bën thirrje qeverisë që të lejojë ekipin e OKB-së në gjetjen e provave në shtetin Rakhine. Imazhet e reja satelitore të shtetit Rakhine në Mianmar tregojnë se autoritetet shtetërore […]
Imazhet e reja satelitore të shtetit Rakhine në Mianmar tregojnë se autoritetet shtetërore kanë rrafshuar fshatrat myslimane Rohingya që u dogjën gjatë “fushatës së spastrimit etnik” kundër grupit të pakicave, njoftoi të premten “Human Rights Watch” (HRW).
HRW tha se të paktën 55 fshatra janë rrafshuar që prej vitit 2017, ku afro 700, 000 Rohingya janë detyruar të lëshojnë vendet e tyre për të ikur drejt fqinjit Bangladeshit.
“Autoritet dëshirojnë të mbulojnë provat e mizorisë që janë bërë në tokat e Rohingyave. Ata duan të bëjnë të vështirë gjetjen e varreve, armëve të përdorura ose ndonjë dëshmi tjetër që do të lidhë vendin e krimit me kriminelët, ” tha drejtori i HRW për Azi, Brad Adams.
“Ajo gjithashtu reflekton mentalitetin e spastrimit etnik të autoritetit birmanez”, tha ai.
Adams tha se imazhet satelitore “të rastësishme” reflektojnë vetëm një pasqyrë të pjesshme dhe kanë frikë se situata mund të jetë shumë më e keqe./Periskopi/
